దేశంలో ప్రతి పదేళ్లకోసారి జరిగే జనాభా లెక్కల సేకరణ 2020లో(census) జరగాల్సి ఉండగా.. కరోనా కారణంగా బాగా ఆలస్యమైంది. ఈలోపు భాజపాలోని ఓబీసీ లాబీతో పాటు మిత్రపక్షాలు, ప్రతిపక్ష పార్టీల నుంచి సైతం కులాలవారీగా జనాభా లెక్కలు(caste census) తేల్చాలంటూ ఒత్తిళ్లు ఎక్కువయ్యాయి. ఇటీవల పార్లమెంట్‌లో 127వ రాజ్యాంగ సవరణ బిల్లును ఆమోదించే సమయంలోనూ దాదాపుగా అన్ని పార్టీలు ఇదే డిమాండ్‌ వినిపించాయి.
ప్రశ్నావళి సిద్ధం..
అయితే 2021 జనగణన(census 2021) కోసం ఇంటింటికీ తిరిగి సేకరించే ప్రశ్నావళి ఇప్పటికే సిద్ధమైంది. ఇందులో ఎస్సీ, ఎస్టీ, ఇతరులు అనే మూడు విభాగాలే ఉన్నాయి. ఇతరులు.. ఏ కులమో తెలిపే కాలమ్‌ లేదు. అంటే 2011 జనగణన(census 2011) నమూనానే ఇప్పుడూ అమలు చేయాలని ప్రభుత్వం ఓ నిర్ణయానికి వచ్చేసింది. సామాజిక, ఆర్థిక కుల గణన (ఎస్‌ఈసీసీ)ను ప్రస్తుతానికి పక్కన పెట్టినట్టేనని కేంద్రంలోని ఓ అధికారి తెలిపారు.
ఇదే సమయంలో ఈ ఏడాది చేపట్టే జనాభా లెక్కల సేకరణలో గుర్తించదగిన మార్పు ఒకటి ఉంది. అదే యాప్‌ వినియోగం. దీని ద్వారా వివరాల సేకరణ మరింత సులువు కానుంది. మునుపటిలాగే సిబ్బంది ప్రతి గడపకూ తిరుగుతారు.
ఇదీ చదవండి:జిమ్లో సీఎం వర్క్అవుట్లు.. వీడియో వైరల్