డ్రోన్ల ధ్రువీకరణ పథకంపై కేంద్రం నోటిఫికేషన్​ జారీ

drone certification scheme: డ్రోన్ల ధ్రువీకరణ పథకం కింద కేంద్ర ప్రభుత్వం తాజాగా నోటిఫికేషన్​ను విడుదల చేసింది. దేశీయంగా తయారీని ప్రోత్సహించడానికి సరళీకృత నిబంధనలు ఉపయోగపడుతాయని పౌరవిమానయాన మంత్రిత్వ శాఖ తెలిపింది.

drone certification scheme: కనీస భద్రత, నాణ్యత ప్రమాణాల సాధన లక్ష్యంగా డ్రోన్ల ధ్రువీకరణ పథకంపై పౌరవిమానయాన మంత్రిత్వ శాఖ బుధవారం నోటిఫికేషన్​ వెలువరించింది. దేశీయంగా తయారీని ప్రోత్సహించడానికి సరళీకృత నిబంధనలు ఉపయోగపడుతాయని ఈ శాఖ తెలిపింది.

డ్రోన్లకు ధ్రువీకరణను సులభంగా, త్వరగా, పారదర్శకంగా ఇచ్చేందుకు ఇవి దోహదపడుతాయని పేర్కొంది. డిజిటల్​ స్కై అనే ఏక గవాక్ష విధానం, ఉత్పత్తి ముడిపడిన ప్రోత్సాహకాలు వంటివి డ్రోన్ల తాయారీ పరిశ్రమ ఎదుగుదలకు ఉపకరిస్తాయని తెలిపింది. దిగుమతిదారులకు, విడిభాగాలను తెచ్చి ఒకటిగా మార్చేవారికి కూడా నోటిఫికేషన్​లో పేర్కొన్నా అంశాలు వర్తిస్తాయని వెల్లడించింది.

డ్రోన్​కు ధ్రువపత్రం కావాలని దరఖాస్తు చేసేవారు దాని బరువు, రకం, వేగం, పరిధి, మన్నిక, బ్యాటరీ పనితీరు, డ్రోన్​ను వెనక్కి రప్పించే యంత్రాంగం, తయారీలో వాడిన సామగ్రి వివరాలన్నీ సమర్పించాల్సి ఉంటుంది.

ఇదీ చూడండి:ఐఏఎస్‌ కేడర్‌ రూల్స్‌ మార్పునకు వ్యతిరేకం 9.. అనుకూలం 8