జేఈఈ పరీక్షల్లో అవకతవకలు.. సీబీఐ సోదాలు

జేఈఈ మెయిన్స్​ పరీక్షల్లో(IIT-JEE mains examination) అవకతవకల కేసుకు సంబంధించి దేశవ్యాప్తంగా 20 ప్రాంతాల్లో సోదాలు చేపట్టింది సీబీఐ. ఎఫినిటీ ఎడ్యుకేషన్​, దాని డైరెక్టర్లపై కేసు నమోదు చేసింది.

ఐఐటీ-జేఈఈ మెయిన్స్​ పరీక్షల్లో(IIT-JEE mains examination) అవకతవకల ఆరోపణలతో ఎఫినిటీ ఎడ్యుకేషన్​ ప్రైవేటు లిమిటెడ్​, దాని డైరెక్టర్లపై కేసు నమోదు చేసింది కేంద్ర దర్యాప్తు సంస్థ. కేసులో భాగంగా గురువారం దేశవ్యాప్తంగా 20 కేంద్రాల్లో సోదాలు నిర్వహించినట్లు అధికారులు తెలిపారు. దిల్లీ, పుణె, జంషెడ్​పుర్​ సహా పలు నగరాల్లో ఈ తనిఖీలు జరిగినట్లు చెప్పారు.

ఇన్​స్టిట్యూట్​, దాని డెరైక్టర్లతో పాటు భాగస్వాములు, పరీక్షా కేంద్రాల్లో నియమించిన సిబ్బంది సహా మరికొంత మందిని ఈ కేసులో చేర్చినట్లు సీబీఐ ప్రతినిధి ఆర్​సీ జోసీ తెలిపారు. 2021, సెప్టెంబర్​ 1న కేసు నమోదు చేసినట్లు చెప్పారు.

ఇదీ చూడండి:జేఈఈ, నీట్‌ ర్యాంకుల కేటాయింపులో కీలక మార్పు