దేశంలో 4లక్షల కరోనా కేసులు- 4వేల మరణాలు

దేశంలో కరోనా తీవ్రత ఆందోళకరంగా మారింది. తాజాగా.. 4 వేలకు పైగా మరణాలు సంభవించాయి. మరోసారి రోజువారి కేసుల సంఖ్య నాలుగు లక్షలు దాటింది.

దేశంలో కరోనా మృత్యుఘంటికలు మోగిస్తోంది. 24 గంటల వ్యవధిలో ఏకంగా 4,187 మంది వైరస్ కారణంగా ప్రాణాలు కోల్పోయారు. మరోవైపు, కొత్తగా 4,01,078 మందికి కరోనా పాజిటివ్​గా తేలింది. ‬వరుసగా మూడో రోజూ నాలుగు లక్షలకు పైగా కేసులు నమోదు కావడం గమనార్హం.

• మొత్తం కేసులు: 2,18,92,676
• మొత్తం మరణాలు: 2,38,270
• కోలుకున్నవారు: 1,79,30,960
• యాక్టివ్ కేసులు: 37,23,446

శుక్రవారం 22 లక్షల 97 వేల 257 మందికి టీకాలు ఇచ్చినట్లు కేంద్ర ప్రభుత్వ గణాంకాలు చెబుతున్నాయి. ఫలితంగా ఇప్పటివరకు పంపిణీ చేసిన టీకా డోసుల సంఖ్య 16,73,46,544కి చేరింది.

ఇదీ చదవండి:'భారత్​లో 'స్పుత్నిక్​ లైట్​' పరీక్షలు జరుపుతాం'