Modi on Budget 2022: పేదల సంక్షేమమే కేంద్ర బడ్జెట్ ప్రధాన ధ్యేయమని అన్నారు ప్రధాని నరేంద్ర మోదీ. నూతన బడ్జెట్తో మౌలిక సదుపాయాలు, పెట్టుబడులు, ఉద్యోగ కల్పనకు అధిక అవకాశాలున్నాయని చెప్పారు. 'ప్రజామోదం పొందిన ప్రగతిశీల బడ్జెట్' అని ప్రశంసించారు. కొవిడ్ నుంచి తేరుకుని పురోగమిస్తున్న ఆర్థిక వ్యవస్థకు సరికొత్త నమ్మకాన్నిచ్చిందని కొనియాడారు. బడ్జెట్ ప్రవేశపెట్టిన ఆర్థిక మంత్రి నిర్మలా సీతారామన్కు అభినందనలు తెలిపారు.
"నూతన బడ్జెట్ రైతుల ఆదాయాన్ని రెండింతలు చేస్తుంది. రూ.2.25 లక్షల కోట్లు రైతుల ఖాతాలోకి నేరుగా జమ అవుతాయి. వ్యవసాయ అంకురాల ప్రోత్సాహానికి ప్రత్యేక నిధిని కేటాయించాం. ఈ బడ్జెట్ సామాన్యుడిలో సరికొత్త ఆశలను రేకెత్తించింది."
-ప్రధాని నరేంద్ర మోదీ