ఫైరింగ్ ప్రాక్టీస్​లో​ అపశ్రుతి.. జవాను మృతి

BSF jawan death: రాజస్థాన్​లోని బీఎస్​ఎఫ్​ ఫైరింగ్​ రేంజ్​లో ఓ మోర్టార్​ షెల్​ పేలిన ఘటనలో ఓ జవాను మరణించారు. మరో 8మంది గాయపడ్డారు. పేలుడు సమయంలో వీరందరూ ఫైరింగ్ సాధన చేస్తున్నారు. ఘటనపై అధికారులు దర్యాప్తునకు ఆదేశించారు.

BSF jawan death: రాజస్థాన్​ జైసల్మేర్​లో విషాదకర ఘటన జరిగింది. కిషన్​గంజ్​లోని బీఎస్​ఎఫ్​ ఫైరింగ్​ రేంజ్​లో.. ఆదివారం సాధనా కార్యక్రమం జరుగుతుండగా.. ఓ మోర్టార్​ షెల్​ పేలింది. ఈ ఘటనలో గాయపడిన 9మందిని స్థానిక ప్రభుత్వ కమ్యూనిటీ హెల్త్​ సెంటర్​కు తరలించారు. ఈ క్రమంలో చికిత్స పొందుతూ సందీప్​ కుమార్​ అనే జవాను ప్రాణాలు కోల్పోయారు.

సందీప్​ కుమార్​ మృతదేహాన్ని పోస్టుమార్టంకు తరలించారు. ఆ తర్వాత మృతదేహాన్ని ఆయన బంధువులకు అప్పగించనున్నారు.

జవాన్లందరూ పంజాబ్​ ఫ్రాంటియర్​లోని 136వ బెటాలియన్​కు చెందినవారు.

ఆసుపత్రిలో జవాన్లకు చికిత్స

చికిత్స పొందుతున్న జవాను

ఉన్నతాధికారుల ఆదేశాలు..

బీఎస్​ఎఫ్​ ఉన్నతాధికారులు ఘటనాస్థలానికి చేరుకుని.. అసలేం జరిగిందనే విషయాన్ని ఆరా తీశారు. ఘటనపై దర్యాప్తు చేపట్టాలని అధికారులను ఆదేశించారు.

ఇదీ చూడండి:-ఇంటికొస్తూ ఆర్మీ జవాన్ మృతి.. తట్టుకోలేక విషం తాగిన భార్య