పెళ్లి పీటలపైనే వరుడి చెంప చెళ్లుమనిపించిన వధువు!

పెళ్లిమండపంలో వధూవరులు పక్కపక్కన కూర్చొని ఉన్నారు. వారిచుట్టూ బంధువులు చేరారు. ఉత్సాహంగా సాగుతున్న ఈ కార్యక్రమంలో పెళ్లిపీటలపై ఉన్న వధువు కోపంగా ఉంది(angry bride). తనకు నచ్చని పనిచేసిన వరుడికి కాబోయే భార్య ఊహించని షాక్ ఇచ్చింది.

కొత్త జీవితానికి స్వాగతం పలికే పెళ్లి వేడుక(marriage ceremony) ప్రతి ఒక్కరికీ సుమధురమైన ఘట్టం. అయితే అనుకోని పరిస్థితుల్లో కొన్నిసార్లు వివాహ తంతు రసాభాసగా మారుతుంటుంది. ఇలాంటి ఘటనే తాజాగా నెట్టింట వైరల్​గా మారింది.

ఒక్కసారిగా ఉద్రిక్తత..

బంధుమిత్రుల మధ్య ఓ వివాహ తంతు ఉత్సాహంగా సాగుతోంది. అయితే.. తనకు కాబోయే భర్త పొగాకు నములుతున్నాడని(bride chewing tobacco) వధువుకు తెలియడం వల్ల అక్కడి వాతావరణం వేడెక్కింది. దీనిని అసహ్యించుకున్న ఆమె.. వరుడితో పాటు ఎదురుగా ఉన్న వ్యక్తిని కొట్టింది. ఊహించని ఈ పరిణామానికి కంగుతిన్న వరుడు వెంటనే లేచి నిలుచుని నోటిలోని పొగాకును ఉమ్మేశాడు. వరుడిని కొడుతుండగా వధువును ఎవరూ ఆపకపోవడం గమనార్హం.

అవగాహనకు వేదిక..?

సామాజిక మాధ్యమాల్లో వైరల్​గా మారిన ఈ వీడియోపై నెటిజన్లు భిన్నంగా స్పందిస్తున్నారు. వధువు చర్యను ప్రశంసిస్తున్నారు. పెళ్లి పీటలపై పొగాకు తింటున్న వరుడిపై విమర్శలు చేస్తున్నారు. ప్రజల్లో అవగాహన పెంచేందుకే ఈ వీడియో తీశారని కొందరు కామెంట్ చేశారు.

ఇవీ చదవండి: