బస్సులో ఫ్రీ జర్నీ​ కోసం అమ్మాయిలా మారి..

Free Bus Service in Delhi: దిల్లీలో బస్సు సర్వీసులు మహిళలకు మాత్రమే ఉచితం. దీంతో ఆ ఆఫర్​ను ఎలాగైనా వాడుకోవాలనుకున్నాడు ఓ యువకుడు. అందుకే లేడీ గెటప్​లో బస్సు ఎక్కాడు. కానీ చివరకు కండక్టర్​కు దొరికిపోయాడు.

Free Bus Service in Delhi: ముఖ్యమంత్రి అరవింద్​ కేజ్రీవాల్​ దిల్లీలో మహిళలకు బస్సు ప్రయాణాన్ని ఉచితం చేశారు. కానీ పురుషులకు ఈ ఆఫర్​ లేదు. బస్సులో ఎలాగైనా ఉచితంగా ప్రయాణించాలనుకున్న ఓ యువకుడు లేడీ గెటప్​తో బస్సు ఎక్కాడు. స్కార్ఫ్​, మాస్కుతో మేనేజ్​ చేద్దామని అనుకున్నాడు. కానీ కండక్టరుకు అనుమానం రావడం వల్ల అసలు విషయం బయటపడింది.

మాస్కును తీసేందుకు మొదట నిరాకరించిన యువకుడు కండక్టర్​ను క్షమాపణలు కోరాడు. అయితే కండక్టర్ అతనిపై సీరియస్​ అవడం వల్ల చివరకు మాస్కును తొలగించాడు. అయితే దొరికిపోయాక కూడా అమ్మాయి గొంతుతోనే అతను మాట్లాడేందుకు ప్రయత్నించాడు. కండక్టర్​ తీసిన ఈ వీడియో ప్రస్తుతం సోషల్​ మీడియాలో వైరలైంది.

ఇదీ చూడండి :'వివాహం అంటే.. భార్యపై లైంగిక వేధింపులకు లైసెన్స్ పొందడం కాదు'