ప్రేమించిన యువతి కోసం ఓ బంగాల్ యువకుడు దేశ సరిహద్దులు దాటి ప్రేయసిని వివాహం చేసుకున్నాడు. భార్యతో సహా తిరిగి అక్రమంగా దేశంలోకి ప్రవేశిస్తుండగా వారిని సరిహద్దు భద్రతా దళం (బీఎస్‌ఎఫ్‌) అదుపులోకి తీసుకుంది.
జూన్‌ 26 సాయంత్రం బంగాల్‌లోని మాదాపూర్‌ సరిహద్దుల వద్ద ఓ యువతి, యువకుడు అనుమానాస్పదంగా సంచరించడాన్ని బీఎస్‌ఎఫ్‌ అధికారులు గుర్తించారు. వారిని విచారించగా సరైన సమాధానాలు వెల్లడించలేదు. దీంతో ఆ ఇద్దరిని అదుపులోకి తీసుకున్న అధికారులు.. యువకుడిని బంగాల్‌లోని నదియా జిల్లా బల్లావ్‌పుర్‌కు చెందిన జైకాంతో చంద్రరాయ్‌ (24)గా గుర్తించారు. కాగా.. అతడి వెంట ఉన్న యువతిని బంగ్లాదేశ్‌కు చెందిన పరిణీతి (18)గా తేల్చారు.