కరోనా మృతదేహానికి భాజపా ఎమ్మెల్యే అంత్యక్రియలు
కర్ణాటక హొన్నల్లి భాజపా ఎమ్మెల్యే రేణుకాచార్య.. కరోనా కష్టకాలంలో ఎంతోమందికి సాయం అందిస్తూ అందరి మన్ననలు పొందుతున్నారు. ఇప్పుడు ఓ కొవిడ్ మృతదేహానికి స్వయంగా అంత్యక్రియలు నిర్వహించి ప్రశంసలు అందుకుంటున్నారు.
దేవనగరి జిల్లా హొన్నల్లి తాలుకాలోని ఓ గ్రామానికి చెందిన 31 ఏళ్ల యువకుడు ఇటీవలే కరోనా బారినపడ్డాడు. అతడిని ఆస్పత్రికి వెళ్లి పరామర్శించారు రేణుకాచార్య. అనంతంరం కొద్ది గంటలకే ఆ యువకుడు ప్రాణాలు కోల్పోయాడు. అతడి మృతదేహాన్ని ఊళ్లోకి తీసుకెళ్లేందుకు గ్రామస్థులు నిరాకరించారు. దీంతో వారికి సర్దిచెప్పిన రేణుకాచార్య.. యువకుడి మృతదేహాన్ని అంబులెన్స్లో స్వయంగా డ్రైవ్ చేసుకుంటూ శ్మశానానికి తీసుకెళ్లారు. అంతా తానై అంత్యక్రియలు నిర్వహించారు.