బంగాల్ రాష్ట్ర భాజపా కమిటీ సభ్యుడు కృష్ణేందు ముఖర్జీ కారుపై దుండగుల కాల్పులకు తెగబడ్డారు. తృణమూల్ కాంగ్రెస్ పార్టీ(టీఎంసీ) కార్యకర్తలే ఈ దాడి జరిపారని కృష్ణేందు ఆరోపించారు.
"కోల్కతా నుంచి ఇంటికి వస్తుండగా.. పశ్చిమ బర్ధమాన్ జిల్లాలోని అసన్సోల్‌లో హిరపుర వద్ద ముగ్గురు గుర్తు తెలియని వ్యక్తులు కారును అడ్డగించారు. కారు డోర్లు తెరిచేందుకు యత్నించి విఫలమయ్యారు. దాంతో వాహనంపై కాల్పులు జరిపారు. వారు టీఎంసీ కార్యకర్తలే" అని కృష్ణేందు అన్నారు.
స్థానికుల సాయం కోసం డ్రైవర్ గట్టిగా హార్న్ మోగించగా అగంతుకులు పారిపోయారని తెలిపారు. ఈ దాడి వెనుక టీఎంసీ నేతలే ఉన్నట్లు ఆరోపించిన ఆయన.. ఘటన గురించి సీనియర్ అధికారులకు తెలియజేసినట్లు చెప్పారు.