ఆ నియోజకవర్గంలో పీకేకు ఓటు- రెండు పార్టీల మాటల యుద్ధం

ప్రముఖ ఎన్నికల వ్యూహకర్త ప్రశాంత్​ కిశోర్​ (Prashant Kishor).. బంగాల్​ భవానీపుర్​లో (Bhabanipur Election) ఓటర్​గా నమోదు చేసుకున్నారా? అంటే అవుననే అంటోంది భాజపా. బయటివ్యక్తి ఇక్కడ ఓటర్​ ఎలా అయ్యారంటూ అధికార తృణమూల్​ కాంగ్రెస్​పై ఆరోపణలు చేస్తోంది. ఈ నేపథ్యంలో.. ఎన్నికకు ముందు రెండు పార్టీలు పరస్పరం విమర్శించుకుంటున్నాయి. సెప్టెంబర్​ 30న భవానీపుర్​ ఉపఎన్నిక(Bhabanipur Election) జరగనుంది.

బంగాల్​లో మళ్లీ రాజకీయం వేడెక్కింది. భవానీపుర్​ ఉపఎన్నికకు(Bhabanipur Election) ముందు.. అధికార తృణమూల్​ కాంగ్రెస్(టీఎంసీ)​, భాజపా మధ్య మాటల యుద్ధం మొదలైంది.

ప్రముఖ ఎన్నికల వ్యూహకర్త ప్రశాంత్​ కిశోర్(Prashant Kishor)​.. ఉపఎన్నిక జరగనున్న భవానీపుర్​లో ఓటరుగా నమోదు చేసుకున్నారని ఆరోపిస్తోంది భాజపా. బోహిరగాటో (బయటివ్యక్తి) ఇక్కడి ఓటర్​ (​Prashant Kishor West Bengal Election) ఎలా అయ్యారని శనివారం ప్రశ్నించింది.

చివరకు ప్రశాంత్​ కిశోర్​(Bhabanipur Election) భవానీపుర్​ ఓటర్​ అయ్యారని ఎద్దేవా చేసింది భాజపా. ఈ మేరకు ఓటర్​ లిస్ట్​లో పీకే వివరాలతో ఉన్న ఫొటోను భాజపా మీడియా విభాగం ఇంఛార్జ్​ సప్తర్షి చౌదరి ట్వీట్​ చేశారు. సీఎం మమతా బెనర్జీ, టీఎంసీ, టీఎంసీ ప్రతినిధి కునాల్​ ఘోష్​ను ట్యాగ్​ చేశారు. ఇటీవల అసెంబ్లీ ఎన్నికల సమయంలో.. బయట రాష్ట్రాల భాజపా నేతలను ఉద్దేశించి టీఎంసీ ఉపయోగించిన 'బోహిరగాటో' అనే పదాన్ని కూడా ట్వీట్​లో ప్రస్తావించారు సప్తర్షి.

''చివరకు ప్రశాంత్​ కిశోర్​.. భవానీపుర్​ ఓటర్​గా మారారు. ఈ బయటి ఓటర్​కు బంగాల్​ కుమార్తె(మమతా బెనర్జీ) అనుకూలంగా ఉంటారో లేరో మాకైతే కచ్చితంగా తెలియదు.''

- సప్తర్షి చౌదరీ, భాజపా మీడియా సెల్​ ఇంఛార్జ్​

దీనికి తృణమూల్​ కాంగ్రెస్ నేతలు గట్టిగానే బదులిస్తున్నారు. భవానీపుర్​ ఉపఎన్నిక(Bhabanipur Election) కోసం.. భాజపా ఇప్పటికీ బయట వ్యక్తులను ప్రచారానికి రప్పిస్తోందని ఆరోపించారు ఫర్హాద్​ హకీమ్​.

ఎన్నికల కమిషన్​ వెబ్​సైట్​ ప్రకారం.. ఉపఎన్నికపై ప్రకటన వెలువడక ముందే, భవానీపుర్​ ఓటర్ల జాబితాలో ప్రశాంత్​ కిశోర్​ అనే పేరు ఉంది.

వ్యూహకర్తగా గుడ్​బై..

బంగాల్​ అసెంబ్లీ ఎన్నికల కోసం.. టీఎంసీకి రాజకీయ వ్యూహకర్తగా పనిచేసిన ప్రశాంత్​ కిశోర్​(​Prashant Kishor West Bengal Election), ఆ ఫలితాల అనంతరం ఇక తాను పొలిటికల్​ స్ట్రాటజిస్ట్​గా ఉండబోనని ప్రకటించారు. క్రియాశీల రాజకీయాల్లోకి ప్రవేశించేందుకు ఆయన ఈ నిర్ణయం తీసుకున్నారని ప్రచారం జరుగుతోంది. కాంగ్రెస్​లో ఆయన చేరేందుకు సిద్ధమయ్యారని వార్తలొస్తున్నాయి. దీనిపై మరికొద్దిరోజుల్లో స్పష్టత వచ్చే అవకాశముంది.

భవానీపుర్​ ఉపఎన్నిక కొద్దిరోజుల్లో జరగనుండగా.. పీకే ఇప్పటివరకు అక్కడ ప్రచారంలో కనిపించిన దాఖలాలు లేవు. అయితే టీఎంసీ జాతీయ ప్రధాన కార్యదర్శి అభిషేక్​ బెనర్జీతో దిల్లీలో వరుస సమావేశాలు నిర్వహిస్తున్నట్లు విశ్వసనీయ వర్గాలు వెల్లడించాయి.

సెప్టెంబర్​ 30న ఎన్నిక..

సెప్టెంబర్​ 30న భవానీపుర్​కు ఉపఎన్నిక(Bhabanipur Election) జరగనుంది. ముఖ్యమంత్రి మమతా బెనర్జీ (Mamata Banerjee Election), భాజపా అభ్యర్థి ప్రియాంక తిబ్రేవాల్​ మధ్యే ప్రధాన పోటీ నెలకొంది. సీఎంగా కొనసాగాలంటే మమత.. ఇక్కడ గెలవడం తప్పనిసరి.

ఏప్రిల్​లో జరిగిన బంగాల్​ అసెంబ్లీ ఎన్నికల్లో మొత్తం 294 స్థానాలకు టీఎంసీ (TMC Election) 213 కైవసం చేసుకుంది. భాజపా 77 చోట్ల గెలిచి ప్రధాన ప్రతిపక్షంగా అవతరించింది.

నందిగ్రామ్​ నుంచి పోటీచేసిన బంగాల్ ముఖ్యమంత్రి మమత(Mamata Banerjee Election) సువేందు అధికారి చేతిలో ఓడిపోయారు. అయినా సీఎంగా బాధ్యతలు స్వీకరించిన దీదీ.. ఆరు నెలల్లో ఎమ్మెల్యేగా ఎన్నిక కావాల్సిన పరిస్థితి ఏర్పడింది. ఈ నేపథ్యంలో భవానీపుర్​ నుంచి ఎన్నికైన సోబన్​దేవ్​ ఛటోపాధ్యాయ రాజీనామా చేయగా.. ఉపఎన్నిక(Bhabanipur By Election) నిర్వహిస్తోంది ఎన్నికల సంఘం.

ఇవీ చూడండి:Bhabanipur Election: దెబ్బతిన్న పులి X ధైర్యవంతురాలు