'కోడి పుంజు'కు ఘనంగా పుట్టినరోజు వేడుకలు

మంసాహార ప్రియులకు కోడి కనిపిస్తే.. ఎప్పుడెప్పుడు తినేద్దామా అని అనుకుంటారు! కానీ కొందరు జంతుప్రేమికులు మాత్రం వాటిని ఎంతో అపురూపంగా చూసుకుంటారు. అలాంటి ఓ కుటుంబం.. వారు పెంచుకుంటున్న కోడికి ఏకంగా పుట్టిన రోజు వేడుకలు నిర్వహించి అందరి దృష్టిని ఆకర్షించింది. సంప్రదాయ పద్ధతిలో ఇంటిని అలంకరించి.. దానికి ఇష్టమైన ఆహారాన్ని తినిపించింది.

శునకాలు, ఆవులు.. ఇలా పెంపుడు జంతువులకు అట్టహాసంగా జన్మదిన వేడుకలు జరిపిన సంఘటనలు తరచూ జరుగుతున్నాయి. అయితే నాన్​వెజ్​ ప్రియులు ఎంతో ఇష్టంగా తినే కోడికి పుట్టిన రోజు చేయడం ఎప్పుడైనా చూశారా? కనీసం ఎక్కడైనా విన్నారా? లేదు కదా! అయితే మహారాష్ట్రకు చెందిన ఓ కుటుంబం ఓ కోడి పుంజుకు తొలి పుట్టినరోజు జరిపి వార్తల్లో నిలిచింది.

ఇంటిని అలంకరించి పుట్టిన రోజు వేడుకలు

అనుకోకుండా..

నాగ్​పుర్​ జిల్లా ఉమ్రేడ్​ తాలూకాలోని మంగళ్​వార్​ పేఠ్​కు చెందిన ఉమాకాంత్​ కాగ్దేల్వార్​కు ఏడాది క్రితం ఓ కోడిపిల్ల ​దొరికింది. ఆ కొడిపిల్ల పౌల్ట్రీ వ్యాన్​ నుంచి జారి, అతని షాపు ముందు పడింది. అప్పటి నుంచి దానిని కోడిలా కాకుండా.. తమ కుటుంబంలో ఓ సభ్యుడిలా భావించి అల్లారు ముద్దుగా పెంచుకుంటున్నారు. ఆ కుటుంబమంతా దీనిని 'కుచాశేత్' అని పిలుస్తుంది.

కోడికి బొట్టుపెడుతున్న యజమానిరాలు

కోడికి ఆహారాన్ని తినిపిస్తున్న కుటుంబ సభ్యులు

బర్త్​డే సెలబ్రేషన్స్..

పుత్ర సంతానం లేని ఉమాకాంత్.. ఆ కోడిని కొడుకులానే భావిస్తున్నారు. అతని కుమార్తె సురభి కూడా కుచాశేత్​​ను తమ్ముడిలా భావించి.. దాని ఆలనాపాలనా చూసుకుంటోంది. కుచాశేత్​​కు ఈ నెల 20 తేదీకి ఏడాది పూర్తయింది. దీంతో ఆ కోడికి సంప్రదాయ పద్ధతిలో తొలి పుట్టినరోజు జరిపించారు. తమ ఇంటిని అలంకరించారు. ఆ కోడి ఇష్టమైన జీడీపప్పు, వేరుశెనగ, శ్రీఖండ్ వంటి​ ఆహార పదర్థాలను తినిపించారు. కోడి బర్త్​డే సెలబ్రేషన్స్​కు సంబంధించిదన ఫొటోలను సామాజిక మాధ్యమాల్లో పోస్ట్​ చేశారు. దీనిని చూసిన నెటిజన్లు.. 'కోడికి పుట్టిన రోజు ఏంటో'.. అని ఆశ్చర్యపోతున్నారు.

బర్త్​ డే కోడికి హారతి ఇస్తూ..

బర్త్​ డే కోడికి హారతి ఇస్తూ..

ఇవీ చూడండి: