రోడ్లపై విమానం ప్రయాణించడం చూశారా? ఇదేంటి అనుకుంటున్నారా? అవును అలాంటి బైక్ను రూపొందించాడో వ్యక్తి (Desi jugaad video). ఓ వైపు పెట్రోల్ రేట్ల పెరుగుదల.. ఇంకోవైపు బయట ఖర్చులు భరించలేకపోవడం.. అంతే ఏదైనా కొత్తగా సృష్టించాలనుకున్నాడు. విమానం రెక్కల్లా మోటార్ బైక్కు(Bike viral video) చెక్క బల్లలు జోడించి.. వాటిపై తన కుటుంబసభ్యులను కూర్చోబెట్టుకున్నాడు. ఇలా ఒకరిద్దరు కాదు ఏకంగా 9 మందితో బైక్పై చక్కర్లు కొట్టాడు. ద్విచక్రవాహనాన్ని చక్కగా బ్యాలెన్స్ చేస్తూ.. గ్రామీణ ప్రాంతంలోని ఓ రోడ్డుపై విమానంలా నడిపాడు.
వీడియోను స్పష్టంగా గమనిస్తే.. అందులో ఐదుగురు మహిళలు, నలుగురు పిల్లలు ఉన్నట్లు కనిపిస్తుంది.
మధ్యప్రదేశ్ కాంగ్రెస్ ఎమ్మెల్యే జీవర్ధన్ సింగ్.. సంబంధిత వీడియోను ట్విట్టర్లో పోస్ట్ చేశారు.
'పెట్రోల్, డీజిల్ రేట్లను ప్రభుత్వం ఆకాశానికి ఎత్తుతున్నప్పుడు, ప్రజలు కొత్త జుగాద్ విమానాన్ని తయారుచేశారు,' అని క్యాప్షన్ పెట్టారు.