విజిటింగ్ ప్రొఫెసర్​గా నీతా!- విద్యార్థుల నిరసన

రిలయన్స్​ ఫౌండేషన్​ ఛైర్​పర్సన్​ నీతా అంబానీని విజిటింగ్​ ప్రొఫెసర్​గా ఆహ్వానించాలన్న ప్రతిపాదనను బెనారస్ హిందూ విశ్వవిద్యాలయం విద్యార్థులు వ్యతిరేకించారు. ఆమె స్థానంలో మహిళా సాధికారతకు ఉదాహరణగా నిలిచిన వేరొకరిని ఆహ్వానించాలని డిమాండ్ చేశారు.

రిలయన్స్​ ఫౌండేషన్​ ఛైర్​పర్సన్​ నీతా ముఖేశ్​ అంబానీని విజిటింగ్​ ప్రొఫెసర్​గా ఆహ్వానించాలన్న ప్రతిపాదనను బెనారస్ హిందూ విశ్వవిద్యాలయం(బీహెచ్​యూ) విద్యార్థులు వ్యతిరేకించారు. ఈ మేరకు బీహెచ్​యూలో మంగళవారం ఆందోళనలు చేపట్టారు. నీతా అంబానీకి బదులుగా.. మహిళా సాధికారతకు ఉదాహరణగా నిలిచిన వేరొకరిని ఆహ్వానించాలని డిమాండ్ చేశారు విద్యార్థుల సంఘం నేత శుభం తివారీ.

మరోవైపు, నీతా అంబానీని విజిటింగ్ ప్రొఫెసర్​గా ఆహ్వానించాలని యాజమాన్యానికి ప్రతిపాదన పంపించామని ప్రొ. నిధి శర్మ తెలిపారు. నీతా అంబానీ ఓ మహిళా పారిశ్రామిక వేత్త అని.. ఆమె అనుభవాల నుంచి విద్యార్థులు ఎంతో నేర్చుకోవచ్చని అన్నారు.

ఇదీ చదవండి:70 దేశాలకు 5.8కోట్ల భారత టీకాలు: మోదీ