కొవిడ్ మహమ్మారి నివారణ కోసం మరో టీకా సిద్ధమవుతోంది! తాము అభివృద్ధి చేసిన 'జైకొవ్-డి' వ్యాక్సిన్ తొలి, రెండో దశ క్లినికల్ ప్రయోగాలను విజయవంతంగా పూర్తిచేసుకుందని ఔషధ తయారీ సంస్థ జైడస్ క్యాడిలా గురువారం ఓ ప్రకటనలో వెల్లడించింది. మూడో దశ క్లినికల్ ప్రయోగాల కోసం ప్రభుత్వ అనుమతి కోరినట్లు తెలిపింది. సంబంధిత అనుమతులు లభించాక దాదాపు 30 వేల మంది వలంటీర్లపై ఈ ప్రయోగాలు నిర్వహిస్తామని పేర్కొంది. రెండో దశ ప్రయోగాలను వెయ్యి మందికి పైగా వలంటీర్లపై పూర్తిచేశామని వెల్లడించింది. టీకా సురక్షితమని, కరోనా వైరస్‌పై రోగ నిరోధక శక్తిని ప్రేరేపిస్తోందని అందులో తేలినట్లు వివరించింది.
కొత్త వైరస్‌పై పరీక్షిస్తాం : మోడెర్నా