కొత్త ఫీచర్లతో జూమ్​.. భద్రతా సమస్యలకు చెక్​!

భద్రతా పరమైన సమస్యలను సరిచేస్తూ కొత్త వర్షెన్​ను అందుబాటులోకి తెచ్చింది జూమ్ యాప్​ యాజమాన్యం​. దీనితో వినియోగదారుల వ్యక్తిగత సమాచారం మరింత భద్రంగా ఉంటుందని స్పష్టం చేసింది.

మెరుగైన, ఎన్​క్రిప్టెడ్ వర్షెన్​ను అందుబాటులోకి తెచ్చింది జూమ్​ యాప్​. ఈ ఫీచర్లతో వినియోగదారుల వ్యక్తిగత సమాచారం మరింత భద్రంగా ఉంటుందని పేర్కొంది. అందరూ కొత్త వర్షెన్​ను అప్​డేట్​ చేసుకోవాలని కోరింది.

మీటింగ్​ కోసం ఇచ్చే పాస్​వర్డ్​ను కనీసం ఆరు అక్షరాలకు మార్చింది జూమ్​. దీనితోపాటు వెబినార్స్​, క్లౌడ్​ రికార్డింగ్​లోనూ పలు మార్పులు చేసింది. క్లౌడ్​ రికార్డింగ్స్​ను షేర్​ చేయడం, వాటి గడువుకు సంబంధించి అడ్మిన్ల​కు అధికారాలిచ్చింది. సైబర్​ నేరాలపై పోరులో భాగంగా ఈ చర్యలు చేపట్టినట్టు పేర్కొంది జూమ్​.

లాక్​డౌన్​ కారణంగా చాలామంది ప్రభుత్వ, ప్రైవేటు ఉద్యోగులు ఇంటి నుంచి విధులు నిర్వర్తిస్తూ.. వీడియో సమావేశాలకు 'జూమ్'​ యాప్​ను వినియోగిస్తున్నారు. ఫలితంగా యాప్​ వాడకం విపరీతంగా పెరిగిపోయింది. అయితే ఈ ప్లాట్​పాం శ్రేయస్కరం కాదని ఏప్రిల్​లో కేంద్ర ప్రభుత్వం ఓ ప్రకటన విడుదల చేసింది. ఈ నేపథ్యంలోనే జూమ్​ యాప్​ ఈ కొత్త వర్షెన్​ను అందుబాటులోకి తెచ్చింది.

ఇదీ చూడండి:-కేరళను తాకిన నైరుతి రుతుపవనాలు