తుక్కుతో రూ.517కోట్లు ఆర్జించిన పశ్చిమ రైల్వే

పశ్చిమ రైల్వే రికార్డు నెలకొల్పింది. రైల్వే యార్డులు, కార్యాలయాల నుంచి సేకరించిన చెత్తను  విక్రయించి ఏకంగా ఏడాదిలో రూ.517 కోట్లు ఆర్జించింది.

రైల్వే ప్రాంగణాల్లో పేరుకుపోయిన చెత్త, నిల్వ కార్యాలయాల్లో నిరుపయోగంగా ఉన్న ఇనుప తుక్కును విక్రయించి ఏడాదిలోనే రూ.517.5 కోట్లు ఆర్జించింది పశ్చిమ రైల్వే. ఇది రైల్వేల్లో సరికొత్త రికార్డు. గతంలో ఉత్తర రైల్వే రూ.403కోట్లకు చెత్తను విక్రయించింది. ఆ రికార్డును తిరగరాసింది పశ్చిమ రైల్వే.

అధికారిక కార్యాలయాలు, రైల్వే స్టేషన్​ల ప్రాంగణాల్లోని చెత్తను పూర్తిగా తొలగించేందుకు 'మిషన్ జీరో స్క్రాప్' పేరిట ప్రత్యేక కార్యక్రమం చేపట్టారు పశ్చిమ రైల్వే అధికారులు. ఈ కార్యక్రమాన్ని విజయవంతంగా నిర్వహించామని చీఫ్​ పీఆర్​వో రవిందర్ భాస్కర్ తెలిపారు.

ఇదీ చూడండి:చౌకీదార్​ కప్పులపై రైల్వేకు ఈసీ నోటీసులు