'మువ్వన్నెల జెండాతో.. ప్రపంచ రికార్డు నెలకొల్పేస్తాం!'

గుజరాత్​లోని రాజ్​కోట్​ ప్రపంచ రికార్డు సృష్టించనుంది. 42 వేల త్రిభుజాకార కాగితాలతో త్రివర్ణ పతాకాన్ని రూపొందించి ప్రపంచ దృష్టిని ఆకర్షించనున్నారు అక్కడి అధికారులు. అరబ్​ సంయుక్త దేశాలు నెలకొల్పిన రికార్డును పటాపంచలు చేయనున్నారు.

గుజ్​రాత్​లోని రాజ్​కోట్​ జిల్లా అధికారులు ప్రపంచ రికార్డు సృష్టించేందుకు సన్నాహాలు చేస్తున్నారు. 42 వేల కాగితాలతో 10.6 అడుగుల మువ్వన్నెల జెండాను తయారు చేస్తున్నారు. అరబ్​ సంయుక్త దేశాలు నెలకొల్పిన రికార్డును బద్దలుకొట్టేందుకు జిల్లా కలెక్టర్​ కార్యాలయంలో 22 రోజులుగా శ్రమిస్తున్నారు.

మూడు రంగుల కాగితాలను త్రిభుజాకారంలో మడిచి.. వాటితో జాతీయ జెండాను తయారు చేస్తున్నారు అధికారులు. ఇప్పటికే అరబ్​ సంయుక్త దేశాల్లో 9.5 అడుగుల జాతీయ జెండాను తయారు చేసి ప్రపంచ రికార్డు నెలకొల్పారు. ఇప్పుడు రాజ్​కోట్​ వాసులు అంతకు ఒక అడుగు పొడవైన జెండాను రూపొందిస్తున్నారు.

ఇదీ చదవండి:గూడ్స్​ రైల్లో చెలరేగిన మంటలు.. దగ్ధమైన బోగి