36 గంటల పాటు సూర్యనమస్కారాలు.. ప్రపంచ రికార్డు!

ఉత్తర్​ప్రదేశ్​ లఖ్​నవూలో జరిగిన ప్రపంచ ఛాంపియన్​ పోటీల్లో ఏకబిగిన 36 గంటల 21 నిమిషాల పాటు సూర్యనమస్కారాలు చేసి అందరినీ ఆశ్చర్యపరిచాడు ఓ యువకుడు. 2 లక్షల సూర్యనమస్కార ఆసనాలతో ప్రపంచ రికార్డు నెలకొల్పాడు.

సందీప్​ ఆర్యా... హరియాణా హిసార్​ జిల్లా ఫరిద్​పుర్ గ్రామవాసి. ఏకబిగిన 36 గంటల 21 నిమిషాల పాటు సూర్యనమస్కారాలు చేసి ప్రపంచ రికార్డు​ నెలకొల్పాడు.

ఉత్తర్​ప్రదేశ్​ లఖ్​నవూలో డిసెంబర్​ 15 నుంచి 16 వరకు జరిగిన ప్రపంచ ఛాంపియన్​ పోటీల్లో ఈ రికార్డ్​ నెలకొల్పాడు. 36 గంటల్లో 2 లక్షలకు పైగా యోగా ఆసనాలు వేసి... అందరినీ నివ్వెరపోయేలా చేశాడు. ఎక్కువ సమయం పాటు ఆసనాలు వేయడం వల్ల అనేక క్యాలరీల కోల్పోయి... బరువు తగ్గిపోయాడు.

ఈ రికార్డును అమెరికా నుంచి వచ్చిన బృందం రికార్డ్​ చేసింది. ఈ పోటీలకు 5 రోజుల ముందు నుంచి కేవలం పండ్ల రసాలే తీసుకున్నాడు ఆర్యా.

రక్షణ మంత్రి రాజ్​నాథ్​ సింగ్​, ఉత్తర్​ప్రదేశ్​ గవర్నర్​ ఆనంది బెన్ పటేల్​​ పాల్గొన్న ఈ కార్యక్రమంలో ఆర్యాను.. ఆ రాష్ట్ర ఆయుష్​ మంత్రి సత్కరించారు.​ ప్రముఖ యోగా గురువు రాం​దేవ్​బాబా నుంచి స్ఫూర్తి పొంది... సూర్య నమస్కార ఆసనాలు వేయడం నేర్చుకున్నానని ఆర్యా తెలిపాడు.

అంతకుముందు తన పేరిట ఉన్న రికార్డునే బద్దలుకొట్టాడు ఆర్యా. గతంలో ఏకబిగిన 17 గంటల 30 నిమిషాల పాటు సూర్యనమస్కారాలు చేశాడు.

ఇదీ చూడండి : స్పెయిన్​: మ్యాచ్​ అనంతరం ఘర్షణ.. 46 మందికి గాయాలు