'ఆ మహిళలకు మోదీ పాస్​వర్డ్​ చెప్పింది అందుకే...'

అంతర్జాతీయ మహిళా దినోత్సవం నాడు ప్రధాని నరేంద్రమోదీ తన సామాజిక మాధ్యమాల ఖాతాలను మహిళలకు అప్పగించడంపై మహిళా హక్కులు ఉద్యమకారులు భిన్నంగా స్పందించారు. ఈ చర్య మహిళలకు దక్కిన గౌరవమని కొందరు కొనియాడారు. మరికొందరు మాత్రం దేశంలో ఉన్న సమస్యల నుంచి దృష్టి మరల్చడానికి చేసిన ప్రయత్నంగా అభివర్ణించారు.

ప్రధాని నరేంద్ర మోదీ తన సామాజిక మాధ్యమాల ఖాతాల నిర్వహణ బాధ్యతను మహిళలకు అందించటం పట్ల కొంత మంది మహిళా హక్కుల ఉద్యమకారులు హర్షం వ్యక్తం చేశారు. ఈ చర్యను మానవత్వానికి సేవ చేస్తున్న మహిళకు అందిన గౌరవంగా అభివర్ణించారు.

"మహిళల ఎంపిక చాలా అద్భుతంగా ఉంది. సామాజిక మాధ్యమంలో 2 వేల మంది ఫాలోవర్స్​ ఉన్న మహిళను ఎంపిక చేశారు. ఈమె గత ఐదేళ్ల నుంచి ఫుడ్​ బ్యాంక్​ నిర్వహిస్తోంది. ఈ బ్యాంక్ ద్వారా వేలాది మందికి ఆహారాన్ని అందిస్తోంది. కాబట్టి ప్రధాని నిజమైన మహిళను ఎంచుకున్నారు, కానీ నటించే వారిని కాదు."

మోనికా అరోరా, జాతీయ విద్యావేత్తల, మేధావుల బృంద కన్వీనర్

"బాంబు దాడి నుంచి తన ప్రాణాలను కాపాడుకున్న మరో మహిళను ప్రధాని ఎంచుకున్నారు. ఆమె జీవితం ఇతరులకు ఎంతో ప్రేరణను కలిగిస్తోంది. ప్రపంచాన్ని భిన్న కోణాల్లో చూడటం ఈమె నుంచి నేర్చుకోవచ్చు" అని అన్నారు మోనిక.

దృష్టి మరల్చేందుకే...

మోదీ చర్యపై కొందరు హర్షం వ్యక్తం చేస్తుంటే మరి కొందరు మాత్రం దేశాన్ని పట్టి పీడిస్తున్న సమస్యల నుంచి ప్రజల దృష్టిని మళ్లించటానికే ఇలా చేశారని విమర్శించారు.

మోదీకి నిజంగా మహిళా సాధికారత విషయంలో చిత్తశుద్ధి ఉంటే దేశంలో రోజురోజుకీ పెరిగిపోతున్న లైంగిక వేధింపులపై చర్యలు తీసుకోవాలని అన్నారు సీపీఐ నేత యానీ రాజా. మహిళా రిజర్వేషన్ల బిల్లు వెంటనే పార్లమెంటులో ఆమోదించాలని డిమాండ్ చేశారు.

ఇదీ చూడండి:నారీమణుల చేతుల్లో మోదీ ట్విట్టర్, ఫేస్​బుక్​ ఖాతాలు