'కరోనమ్మా మమ్మల్ని కాపాడమ్మా' అంటూ పూజలు

కరోనాను దేవతగా కొలుస్తున్నారు ఛత్తీస్​గఢ్​​కు చెందిన మహిళలు. తమల్ని కాపాడాలంటూ ప్రత్యేక పూజలు నిర్వహించారు. అయితే భౌతిక దూరం పాటించాలనే విషయం మాత్రం మరచిపోయారు.

లక్షల మంది ప్రాణాలను బలిగొంటున్న కరోనాను ప్రపంచమంతా మహమ్మారిగా అభివర్ణిస్తోంది. ఛత్తీస్​గఢ్​ భిలాయ్​లోని మహిళలు మాత్రం కరోనాను దేవతగా ఆరాధిస్తున్నారు. స్థానిక మహిళలు కొందరు బైకుంఠ డ్యామ్​ సమీపంలోని ఆలయంలో ప్రత్యేక పూజలు నిర్వహించారు. సింధూరం, పూలు, లడ్డూలు సమర్పించారు.

కరోనాను దేవతగా ఆరాధిస్తూ ప్రత్యేక పూజలు

9 అంకెను పవిత్రంగా భావించి పూజలో 9 స్వీట్లు, 9 పువ్వులు, 9 వక్కలు, 9 లవంగాలు వినియోగించారు మహిళలు. పూజ పూర్తయ్యాక వీటన్నింటినీ గుంత తీసి పూడ్చారు. అయితే పూజ చేసే సమయంలో భౌతిక దూరం పాటించాలనే విషయాన్ని మాత్రం మర్చిపోయారు.

కాపాడుతుందనే నమ్మకంతో..

కరోనా సోకిన రోగులు మరణించకుండా వైద్యులు చికిత్స అందించలేకపోతున్నారు, శాస్త్రవేత్తలు వ్యాక్సిన్​ అభివృద్ధి చేయలేక పోతున్నారని పూజలో పాల్గొన్న మహిళలు చెప్పుకొచ్చారు. అందుకే కరోనాను దేవతగా కొలిచి తమ కుటుంబ సభ్యులకు వైరస్​ సోకకుండా కాపాడాలని వేడుకుంటున్నట్లు తెలిపారు. ఇలా చేస్తే తాము సురక్షితంగా ఉంటామంటున్నారు.