చేతికి 12, కాలికి 19 వేళ్లతో బామ్మ గిన్నిస్​ రికార్డ్​!

మనిషికి సహజంగా ఉండాల్సిన చేతి, కాలి వేళ్లు కంటే ఎక్కువ ఉన్నందుకు ప్రపంచ గిన్నిస్​ రికార్డుకెక్కింది ఒడిశాకు చెందిన ఓ 75 ఏళ్ల బామ్మ. ఆమెకు కాళ్లకు, చేతులకు కలిపి ఏకంగా 31 వేళ్లు ఉన్నాయి.

సాధారణంగా మనిషికి రెండు చేతులు, కాళ్లకు కలిపి 20 వేళ్లు ఉంటాయి. కొంతమందికి ఒకటో, రెండో ఎక్కువగా ఉండొచ్చు. కానీ ఒడిశా గంజమ్​ జిల్లాకు చెందిన కుమారి నాయక్​కు మాత్రం అసాధారణ రీతిలో 31 వేళ్లు ఉన్నాయి. ఆమెను చూస్తే ఎవరైనా ఔరా అనాల్సిందే. ఆమె చేతులకి 12 వేళ్లు... కాళ్లకి 19 వేళ్లున్నాయి.

ఆమె ప్రపంచంలోనే ఎక్కువ వేళ్లు ఉన్న వ్యక్తిగా గిన్నిస్​ రికార్డులో స్థానం సంపాదించింది.

నాయక్​ పాలిడాక్టలిజమ్ అనే జన్యుసంబంధిత లోపాల కారణంగా ఇలా అదనపు వేళ్లతో జన్మించింది. 75 ఏళ్ల నుంచి ఇలానే జీవనం సాగిస్తుంది.

ఇదీ చూడండి : మంచు దుప్పటిపై పరుగులు పెట్టిన గుర్రాలు