ఆగంతుకుల కాల్పుల్లో మహిళా ఎస్​ఐ మృతి

దిల్లీలో కాల్పుల ఘటనలు కలకలం సృష్టించింది. ఓ మహిళా ఎస్​ఐపై గుర్తుతెలియని వ్యక్తులు కాల్పులు జరిపారు. ఈ ఘటనలో ఎస్​ఐ మృతి చెందారు. సీసీటీవి ఫుటేజీ ఆధారంగా నిందితులను గుర్తించామని, త్వరలోనే అరెస్టు చేస్తామని పోలీసులు వెల్లడించారు.

దిల్లీ శాసనసభకు నేడు పోలింగ్ జరుగనున్న వేళ తుపాకి కాల్పుల ఘటన దిల్లీలో కలకలం సృష్టించింది. రోహిణి మెట్రో స్టేషన్​ వద్ద ఓ మహిళా ఎస్​ఐపై గుర్తుతెలియని వ్యక్తులు కాల్పులు జరిపారు. ఈ ఘటనలో పత్​పర్​గంజ్​ ఇండస్ట్రీయల్ ఏరియా పోలిస్​స్టేషన్​లో ఎస్​ఐగా పనిచేస్తున్న ప్రీతీ అహ్లావత్ ప్రాణాలు కోల్పోయారు. శుక్రవారం రాత్రి 9.30 గంటల సమయంలో ఘటన జరిగిందని సమాచారం. సీసీటీవీ ఫుటేజీ ద్వారా నిందితులను గుర్తించామని, త్వరలోనే అరెస్టు చేస్తామని పోలీసులు వెల్లడించారు.

వ్యక్తిగత కారణాల వల్లే మహిళా ఎస్​ఐపై కాల్పులు జరిపి ఉంటారని పోలీసులు అనుమానిస్తున్నారు. 2018లో దిల్లీ పోలీస్​ విభాగంలో విధుల్లో చేరారు అహ్లావత్.

శుక్రవారం సాయంత్రమే దిల్లీ జాఫరాబాద్​లో కాల్పులు చోటుచేసుకున్నాయి. ఈ అంశాన్ని మరువకముందే మరో కాల్పుల ఘటన జరగడం ప్రాధాన్యం సంతరించుకుంది.

ఇదీ చూడండి: కరోనా ఎఫెక్ట్​: చైనా, మయన్మార్​ ఉత్పత్తులపై నిషేధం