దేశంలో 3,31,146 కరోనా యక్టివ్ కేసులు ఉన్నాయని కేంద్ర ఆరోగ్యశాఖ వెల్లడించింది. ఇది దేశవ్యాప్తంగా నమోదైన కేసుల్లో(9.68లక్షలు) మూడో వంతు అని పేర్కొంది. కేసుల తగ్గుదలకు తీసుకున్న చర్యలే ఇందుకు కారణమని స్పష్టం చేసింది.
జూన్ మధ్య వారానికి రికవరీ రేటు 50శాతానికి చేరిందని.. అప్పటి నుంచి యాక్టివ్ కేసులు క్రమక్రమంగా తగ్గుతూ వచ్చాయని ఆరోగ్యశాఖ వెల్లడించింది.
"మొత్తం కరోనా కేసుల్లో ఇప్పటివరకు 63.25శాతం మంది కోలుకున్నారు. అదే విధంగా.. యాక్టివ్ కేసులు కూడా తగ్గాయి. జూన్ మధ్య వారానికి 45శాతం ఉన్న యాక్టివ్ కేసులు.. ఇప్పుడు 34.18శాతానికి చేరాయి."
--- కేంద్ర ఆరోగ్య శాఖ.
అయితే మొత్తం యాక్టివ్ కేసుల్లో 84.62శాతం కేసులు 10రాష్ట్రాల్లోనే ఉన్నాయని తెలిపింది ఆరోగ్యశాఖ. ఇందులో 48.15శాతం మహారాష్ట్ర, తమిళనాడుకు చెందినవి అని పేర్కొంది.
ఇదీ చూడండి:-కరోనా నుంచి దేవుడే కాపాడాలి: ఆరోగ్య మంత్రి
గురువారం ఒక్కరోజే రికార్డు స్థాయిలో 32,695కేసులు నమోదయ్యాయి. అయితే గడిచిన 24గంటల్లో 20,783మంది వైరస్ను జయించారు. ఇప్పటివరకు ఇదే అత్యధికం. దీంతో మొత్తం రికవరీ అయిన బాధితుల సంఖ్య 6,12,814కు చేరింది.
ఇంటింటికి వెళ్లి సర్వే చేపట్టడం, నియంత్రణ చర్యలు, సమయానికి కాంటాక్ట్ ట్రేసింగ్ చేయడం, పరీక్షలు ఎక్కువగా జరపడం, సమయానికి చికిత్స అందించడం, మోస్తరు-తీవ్రమైన కేసుల విషయంలో సమర్థమైన క్లినికల్ నిర్వహణతో యాక్టివ్ కేసులను తగ్గించినట్టు పేర్కొంది కేంద్ర ఆరోగ్యశాఖ.
ఇవీ చూడండి:-
