భారత్​తో బ్రహ్మాండమైన వాణిజ్య ఒప్పందం: ట్రంప్​

అమెరికా- భారత్​ మధ్య బ్రహ్మాండమైన వాణిజ్య ఒప్పందం కుదిరే అవకాశముందని ట్రంప్​ అన్నారు. అయితే అమెరికాకు అనుకూలంగా లేకపోతే ఒప్పందం మరింత ఆలస్యమయ్యే అవకాశముందని వెల్లడించారు.

అగ్రరాజ్య అధ్యక్షుడు డొనాల్డ్​ ట్రంప్​ భారత్​ పర్యటన సందర్భంగా భారత్​-అమెరికా వాణిజ్య ఒప్పందం ఓ హాట్​ టాపిక్​గా మారింది. ఇటీవలే భారత్​తో అతిపెద్ద వాణిజ్య ఒప్పందాన్ని భవిష్యత్​కోసం వాయిదా వేస్తున్నట్లు ట్రంప్​ ప్రకటించారు. తాజాగా మరోమారు ఇరుదేశాల మధ్య వాణిజ్య ఒప్పందంపై పెదవి విరిచారు ట్రంప్​. లాస్​ వేగాస్​లోని ఓ కార్యక్రమానికి హాజరైన ఆయన.. భారత్​తో బ్రహ్మాండమైన ఒప్పందం కుదిరే అవకాశముందన్నారు.

అయితే.. అమెరికాకు లాభం కలగకుంటే.. ఒప్పందం మరింత ఆలస్యం అవుతుందేమోనని హెచ్చరించారు.

" వాణిజ్య ఒప్పందం మరింత ఆలస్యం అవుతుందేమో. ఎన్నికల తర్వాత ఇది కుదురే అవకాశమూ ఉంది. ఏం జరుగుతుందో చూద్దాం. మా ప్రథమ ప్రాధాన్యత అమెరికా అయినందున.. ఒప్పందాలు నిజంగా మంచివి అయితేనే.. వాటిని కార్యరూపం దాలుస్తాం. ఎవరికి నచ్చినా.. నచ్చకపోయినా.. అమెరికానే నాకు ముఖ్యం."

-- డొనాల్డ్​ ట్రంప్​, అమెరికా అధ్యక్షుడు.

అయితే వాణిజ్య ఒప్పందం బదులు వాణిజ్య ప్యాకేజీపై ట్రంప్​- భారత ప్రధానమంత్రి నరేంద్ర మోదీ సంతకాలు చేసే అవకాశముందని ఉహాగానాలు వ్యక్తమవుతున్నాయి.

ఇదీ చూడండి:-మాటల్లో తెంపరి చేతల్లో ట్రంపరి.. ఆయన రూటే సెపరేటు