పెళ్లి పీటలపైనే భర్తకు బడితపూజ చేసిన భార్య

ఉత్తర్​ప్రదేశ్​లో ఓ వ్యక్తికి పెళ్లి పీటలపైనే బడిత పూజ జరిగింది. మళ్లీ పెళ్లి చేసుకుంటున్నాడని తెలిసి.. కట్టుకున్న భార్య తన భర్తపై ఆవేశంతో విరుచుకుపడింది.

ఆ వ్యక్తికి మరికొద్ది సేపట్లో వివాహం. ఆ ఆనందంలో పెళ్లి వేదికపై సందడి చేస్తున్నాడు. ఇంతలో ఆ వివాహానికి వచ్చిన ఓ మహిళ వరుడిపై విరుచుకుపడింది. నన్ను పెళ్లి చేసుకుని మళ్లీ ఇంకో భార్య కావాలా? అంటూ అతడ్ని చితకబాదింది.

ఉత్తర్​ ప్రదేశ్​లోని షామిలి జిల్లా టిటార్సీ గ్రామంలో పంకజ్​ కుమార్(30)​ అనే వ్యక్తి మరో అమ్మాయిని వివాహం చేసుకుంటుండగా.. అతడి మొదటి భార్య మంజు కుటుంబంతో కలిసి అక్కడకు వచ్చింది. పెళ్లిపీటలపై ఉన్న తన భర్తను చూసి.. కోపంతో ఊగిపోయింది. అతడ్ని చితకబాదింది.

ఘటనా స్థలానికి చేరుకున్న పోలీసులు పంకజ్​ను అదుపులోకి తీసుకున్నారు. అతడిపై ఇప్పటికే వరకట్నం కేసు పెండింగ్​లో ఉందని తెలిపారు.

ఇదీ చూడండి:'ఈశాన్యం నుంచి దృష్టి మరల్చేందుకే 'రేప్'​పై దుమారం'