ప్రధానమంత్రి నరేంద్ర మోదీపై మరోమారు విమర్శలు గుప్పించారు కాంగ్రెస్ అగ్రనేత రాహుల్ గాంధీ. పీఎం కేర్స్ నిధికి విరాళాలు అందించిన దాతల పేర్లను మోదీ వెల్లడించకపోవటం ఆశ్చర్యానికి గురిచేస్తోందన్నారు. ఈ విషయంలో ప్రధాని భయపడుతున్నారా అంటూ ట్విట్టర్ వేదికగా ప్రశ్నించారు.
" పీఎం కేర్సు నిధికి విరాళాలు అందించిన వారి పేర్లు వెల్లడించేందుకు ప్రధాని ఎందుకు భయపడుతున్నారు? చైనాకు చెందిన హువావే, షియోమీ, టిక్టాక్, వన్ప్లస్ వంటి పలు కంపెనీలు విరాళాలు అందించినట్లు ప్రతిఒక్కరికి తెలుసు. ఆయన ఎందుకు వివరాలు పంచుకోవట్లేదు?"
- రాహుల్ గాంధీ, కాంగ్రెస్ నేత