నియంతలకు 'ఎం' అక్షరంతో ప్రారంభమయ్యే పేర్లు ఎందుకున్నాయని కాంగ్రెస్ నేత రాహుల్ గాంధీ ప్రశ్నించారు. పలువురి నియంతల పేర్లను తన ట్వీట్లో ప్రస్తావించారు. దీనికి ఆయన వివరణ ఇవ్వనప్పటికీ.. ప్రధాని మోదీ లక్ష్యంగానే ఆయన వ్యంగ్యాస్త్రాలు సంధించినట్లు స్పష్టమవుతోంది.
"చాలా మంది నియంతలకు 'ఎం' అక్షరంతో ప్రారంభమయ్యే పేర్లు ఎందుకు ఉన్నాయి? మార్కోస్, ముస్సోలినీ, మిలోసెవిక్, ముబారక్, మొబుటు, ముషారఫ్, మికోంబెరో."
-రాహుల్ గాంధీ, కాంగ్రెస్ నేత
ఇటీవల మోదీ ప్రభుత్వంపై వరుస విమర్శలు చేస్తున్నారు రాహుల్. రైతు నిరసనలు, వాస్తవాధీన రేఖ వెంబడి ఉద్రిక్తతలపై తరచుగా స్పందిస్తున్నారు. ఓ వైపు చైనా సరిహద్దులో నిర్మాణాలను ముమ్మరం చేస్తుంటే.. ఆ దేశం పేరును ప్రస్తావించడానికే మోదీ భయపడుతున్నారని మంగళవారం ఎద్దేవా చేశారు. ఈ విపత్తను నివారించడానికి దృఢమైన చర్యలు అవసరమని, దురదృష్టవశాత్తు మోదీకి అంత ధైర్యం లేదని విమర్శించారు.
ఇదీ చదవండి:సాగు చట్టాలపై రాజ్యసభలో 15 గంటల పాటు చర్చ
