ప్రపంచానికి యోగా నేర్పించనున్న భారతీయుడు!

యోగ నిపుణులుగా ఉత్తరాఖండ్ హరిద్వార్​లోని దేవ్​ సంస్కృతి విశ్వవిద్యాలయ ఉప కులపతిని నామినేట్ చేసింది ప్రపంచ ఆరోగ్య సంస్థ. ఓ యాప్ ద్వారా యోగాను ప్రజలకు నేర్పించేందుకు సన్నాహాలు చేస్తోంది.

ప్రపంచానికి యోగా నేర్పించేందుకు భారతీయుడ్ని నామినేట్ చేసింది ప్రపంచ ఆరోగ్య సంస్థ (డబ్ల్యూహెచ్​వో). ఉత్తరాఖండ్ హరిద్వార్​లోని దేవ్​ సంస్కృతి విశ్వవిద్యాలయ(డీఎస్​వీవీ) ఉప కులపతి చిన్మయ్​ పాండ్యాను యోగా నిపుణుడిగా నామినేట్ చేసింది.

డబ్ల్యూహెచ్​వో రూపొందించిన ఓ యాప్ ద్వారా ప్రజలకు యోగా నేర్పించనున్నారు పాండ్య. ఈ విషయాన్ని డీఎస్​వీవీ అధికార ప్రకటనలో తెలిపింది. టెంపుల్​టన్ అవార్డుల్లో పాండ్య జ్యూరీ మెంబర్​గా ఉన్నారని.. ప్రఖ్యాత కేంబ్రిడ్జ్​, లాత్వియా, చికాగో విశ్వవిద్యాలయాల్లో ప్రసంగాలు ఇచ్చినట్లు పేర్కొంది.