'నూతన విద్యా విధానంపై అనుమానాలు నివృత్తి చేస్తాం'

నూతన విద్యావిధానం ఎప్పటి నుంచి అమలవుతుంది? విద్యలో క్రీడల అనుసంధానం ఎలా ఉండబోతుంది? ఇలాంటి చాలా అనుమానాలను త్వరలోనే నివృత్తి చేస్తామని కేంద్రం తెలిపింది. దీనిపై ప్రణాళిక రూపొందిస్తున్నట్లు మానవ వనరుల అభివృద్ధిశాఖ ట్విటర్‌లో పేర్కొంది.

నూతన విద్యా విధానం(ఎన్‌ఈపీ)-2020పై ప్రజల్లో ఉన్న అనుమానాలను త్వరలోనే నివృత్తి చేస్తామని కేంద్ర ప్రభుత్వం పేర్కొంది. ఎన్‌ఈపీ-2020 అమలు ఎప్పుడు? విద్యలో క్రీడల అనుసంధానం ఎలా? ఇలాంటి ప్రశ్నలెన్నో వస్తున్నాయని, వాటిని అర్థం చేసుకుంటున్నామని మానవ వనరుల అభివృద్ధిశాఖ ట్విటర్‌లో పేర్కొంది. దీనిపై ప్రణాళిక రూపొందిస్తున్నాం.. త్వరలోనే వెల్లడిస్తామని ట్వీట్‌ చేసింది.