'ఎంఎస్​పీ ముగుస్తుందని మేం చెప్పలేదే'

కనీస మద్దతు ధర ముగిసిపోతుందని తామెప్పుడూ చెప్పలేదని భారతీయ కిసాన్ యూనియన్ ప్రతినిధి రాకేశ్ టికాయిత్ పేర్కొన్నారు. ఎంఎస్​పీపై చట్టాన్ని చేయాలనే కోరినట్లు తెలిపారు. ఇలాంటి చట్టం లేకపోవడం వల్ల రైతులను దళారీలు దోచుకుంటున్నారని అన్నారు.

కనీస మద్దతు ధర(ఎంఎస్​పీ)కు ఢోకా లేదని రాజ్యసభలో ప్రధాని ఇచ్చిన హామీపై భారతీయ కిసాన్ యూనియన్ ప్రతినిధి రాకేశ్ టికాయిత్ స్పందించారు. ఎంఎస్​పీ ముగుస్తుందని తాము ఎప్పుడూ చెప్పలేదని అన్నారు. ఎంస్​పీపై చట్టాన్ని చేయాలని కోరినట్లు తెలిపారు. ఇలా చేస్తే దేశ ప్రజలందరికీ ప్రయోజనం కలుగుతుందని అన్నారు. ఇప్పటివరకు ఎంఎస్​పీపై ఎలాంటి చట్టం లేదని చెప్పారు. కాబట్టి రైతులను ట్రేడర్లు దోచుకుంటున్నారని ఆరోపించారు.

ఎంఎస్​పీ కొనసాగుతూనే ఉంటుందని రాజ్యసభ వేదికగా మోదీ స్పష్టం చేశారు. అదే విధంగా ప్రజా పంపిణీ వ్యవస్థ సైతం కొనసాగుతుందని తెలిపారు. రైతుల సంక్షేమానికి ప్రభుత్వం కట్టుబడి ఉందని.. వ్యవసాయ చట్టాలపై రైతుల అభ్యంతరాలను పరిష్కరించేందుకు సిద్ధంగా ఉన్నామని వెల్లడించారు.

ఇదీ చదవండి:ప్రపంచమంతా భారత్​వైపే చూస్తోంది: మోదీ