బంగాల్​ మాజీ సీఎం బుద్దదేవ్​కు అస్వస్థత

బంగాల్​ మాజీ ముఖ్యమంత్రి బుద్దదేవ్ భట్టాచార్య అస్వస్థతకు గురయ్యారు. తీవ్ర అనారోగ్యంతో ఆస్పత్రిలో చేరిన ఆయన పరిస్థితి తొలుత ఆందోళనకరంగా ఉన్నట్లు వైద్యులు వెల్లడించారు. చికిత్స తర్వాత ఆయన కాస్త కోలుకున్నట్లు పేర్కొన్నారు.

బంగాల్‌ మాజీ ముఖ్యమంత్రి, వామపక్ష కురువృద్ధుడు బుద్దదేవ్‌ భట్టాచార్య (75) తీవ్ర అస్వస్థతకు గురయ్యారు. శ్వాస సంబంధిత సమస్యతో కోల్​కతాలోని ఓ ఆస్పత్రిలో చేరారు.

"బుద్దదేవ్‌ భట్టాచార్య రాత్రి 8.30 గంటల సమయంలో ఆస్పత్రిలో చేరారు. అప్పుడు ఆయన పరిస్థితి చాలా ఆందోళనకరంగా ఉంది. ఐసీయూలో ఉంచి చికిత్స అందించాము. ప్రాథమిక చికిత్స అనంతరం భట్టాచార్యా ఆరోగ్యం స్థిరంగా ఉంది."
-ఆస్పత్రి వర్గాల ప్రకటన

బంగాల్‌ గవర్నర్ జగదీప్ ధంఖర్, సీఎం మమతా బెనర్జీ, వామపక్ష నేతలు ఆసుపత్రికి చేరుకుని భట్టాచార్య ఆరోగ్య పరిస్థితిపై ఆరా తీశారు.
భట్టాచార్య 2000 నుంచి 2011 వరకు సుధీర్ఘకాలంపాటు బంగాల్ ముఖ్యమంత్రిగా సేవలందించారు.

ఇదీ చూడండి: వెన్నెముకకు శస్త్ర చికిత్స చేసేందుకు రోబోలు