'ఆ రాజీనామాలను ఎందుకు ఆమోదించలేదు?'

కర్ణాటకలో ఎమ్మెల్యేల రాజీనామాలపై స్పీకర్​ రమేశ్​ కుమార్​ అభ్యంతరం చెప్పడాన్ని భాజపా రాష్ట్ర అధ్యక్షుడు బీఎస్​ యడ్యూరప్ప తప్పుబట్టారు. ఈ విషయమై గవర్నర్​తో పాటు స్పీకర్​ను కలుస్తామని తెలిపారు.

కర్ణాటకలో ఎమ్మెల్యేల రాజీనామాలపై స్పీకర్​ రమేశ్​ కుమార్​ జాప్యం చేస్తున్నారని భాజపా రాష్ట్ర అధ్యక్షుడు బీఎస్​ యడ్యూరప్ప ఆరోపించారు. ఐదుగురి రాజీనామాలు సరైన ఫార్మాట్​లోనే ఉన్నప్పుడు వాటినెందుకు ఆమోదించలేదని ప్రశ్నించారు. 14 మంది ఎమ్మెల్యేలు రాజీనామా చేసినా ప్రభుత్వం కొనసాగుతుండటంపై అభ్యంతరం తెలిపారు.

"ఐదుగురి రాజీనామాలు మాత్రమే సరైనవిగా ఉన్నాయని స్పీకర్​ చెప్పినప్పుడు వాటినెందుకు ఆమోదించలేదు. సరైన ఫార్మాట్​లో లేవంటున్నారు. మీరే చెప్పండి ఏదీ సరైనదో? వాళ్లు వచ్చి ఇస్తారు. ఆలస్యం చేసి న్యాయపరమైన అభిప్రాయాలు తెలుసుకుని స్పీకర్​ ఈ నిర్ణయం తీసుకున్నారు."

-బీఎస్​ యడ్యూరప్ప, భాజపా రాష్ట్ర అధ్యక్షుడు

ఇదీ చూడండి: ముంబయిలో కర్ణాటకీయం - డీకేకు పోలీసుల బ్రేక్​