లైవ్​ వీడియో: నదిలో కొట్టుకుపోయిన కారు

మధ్యప్రదేశ్​ ధార్​ జిల్లాలో వరద ఉద్ధృతికి నదిలో ఓ కారు కొట్టుకుపోయింది. మూడు కార్లు కొట్టుకుపోతుండగా... రెండు కార్లను ఒడ్డుకు లాగారు స్థానికులు. ప్రవాహం ఉద్ధృతంగా ఉండటం వల్ల మరో కారు చూస్తుండగానే మునిగిపోయింది.

మధ్యప్రదేశ్​ను భారీ వర్షాలు అతలాకుతలం చేస్తున్నాయి. వాగులు, వంకలు ఉప్పొంగి ప్రవహిస్తున్నాయి. వర్షం నీరు భారీగా వచ్చి చేరడం వల్ల నదులు ఉగ్రరూపం దాల్చుతున్నాయి. ధార్​ జిల్లా ధామ్​నోద్ పోలీసు స్టేషన్​ పరిధిలో అజ్​నార్ నదిలో ఓ కారు కొట్టుకుపోయింది.

కొట్టుకుపోతున్న కార్లు

నదిలో మునిగిపోతున్న కారు

మొత్తం మూడు కార్లు నదీ ప్రవాహంలో కొట్టుకుపోతుండగా చూసిన స్థానికులు... రెండు కార్లను ఒడ్డుకు చేర్చగలిగారు. అయితే నదీ ప్రవాహం ప్రమాదకరంగా ఉండటం వల్ల ఇంకో కారు మాత్రం... వారి కళ్లముందే కొట్టుకుపోయింది. ఈ దృశ్యాన్ని స్థానికులు తమ ఫోన్లలో రికార్డు చేశారు.

ఇదీ చూడండి:ప్రముఖుల మృతికి లోక్​సభ సంతాపం- గంటసేపు వాయిదా