కరోనా సోకకుండా జాగ్రత్త చర్యల్లో భాగంగా ప్రతిఒక్కరూ మాస్కులు ధరించాలని కేంద్రం సూచించింది. దీన్ని ఆసరాగా చేసుకున్న మహారాష్ట్రలోని ముగ్గురు వ్యక్తులు.. వాడిపారేసిన మాస్కులను, యథేచ్చగా విక్రయిస్తున్నారు. ఈ కేసులో గతవారమే వారిని పోలీసులు అదుపులోకి తీసుకోగా.. తాజాగా మరోసారి వారి నుంచి సుమారు 36 వేల మంది వినియోగించిన మాస్కులను స్వాధీనం చేసుకున్నారు. వీటి విలువ రూ.71.86 లక్షలు ఉంటుందని అధికారులు తెలిపారు.
ఆ ముగ్గురే.!
వాడిపారేసిన మాస్కులను ఉతికి, ఇస్త్రీచేసి బాక్సుల్లో ప్యాక్చేసి మళ్లీ అమ్మకానికి పంపుతున్నారనే ఆరోపణలతో ముగ్గురిని ఈ నెల 13న అరెస్టు చేశారు పోలీసులు. నాగరాజ్‌ పిళ్లై, రోహిత్ కొఠారి, మహమ్మద్‌ ఆలమ్ అనే ఈ ముగ్గురి నుంచి.. రూ. 71 లక్షల విలువ చేసే మాస్కులను విరార్‌ ప్రాంతంలో స్వాధీనం చేసుకున్నట్లు వారు స్పష్టం చేశారు.
అయితే.. ఈ ముగ్గురే అదే ప్రాంతంలో సుమారు 25వేల మంది ఉపయోగించిన రూ. 51.34 విలువగల మాస్కులు పునర్ విక్రయానికి పంపిస్తూ అడ్డంగా దొరికిపోయారు.
ఇదీ చదవండి:వాడేసిన మాస్కులను ఉతికి, రీసేల్కు యత్నం