ఐక్యతా విగ్రహానికీ తప్పని ముంపు బెడద!

గుజరాత్​లో కురుస్తోన్న భారీ వర్షాలతో సర్దార్​ పటేల్ ఐక్యతా విగ్రహ సందర్శకులకు పాట్లు తప్పలేదు. ప్రత్యేకంగా ఏర్పాటు చేసిన వీడియో గ్యాలరీలోకి వర్షపు నీరు చేరడం వల్ల పర్యటకులు ఇబ్బంది పడ్డారు.

గుజరాత్​లో ఎడతెరిపి లేకుండా కురుస్తోన్న వర్షాలు ఉక్కు మనిషి సర్దార్‌ పటేల్‌ ఐక్యతా విగ్రహం సందర్శకులకు ఆటంకం కలిగిస్తున్నాయి. నర్మదానది తీరంలోని 182 మీటర్ల ఈ విగ్రహంలో పర్యటకుల సందర్శన కోసం ఏర్పాటు చేసిన వీడియో గ్యాలరీలో వర్షపునీరు చేరింది. ఫలితంగా చట్టుపక్కలున్న ప్రకృతి సోయగాలతో పాటు సర్దార్​ సరోవర్​ జలాశయం అందాలను చూడాలని​ ఎంతో ఆసక్తిగా అక్కడికి చేరుకున్నవారు తీవ్ర నిరాశకు గురవుతున్నారు. అధికారులపై తీవ్ర అసంతృప్తి వ్యక్తం చేస్తున్నారు.

ప్రపంచంలోనే అత్యంత ఎత్తయిన ఈ ప్రతిమను గతేడాది అక్టోబర్​ 31న ప్రధాని నరేంద్ర మోదీ ఆవిష్కరించారు.