మాజీ సైన్యాధికారి ఆర్​ఎన్​ చిబ్బర్​ కన్నుమూత

భారత్​-చైనా, భారత్​-పాకిస్థాన్ యుద్ధాల్లో కీలక పాత్ర పోషించిన మాజీ సైన్యాధికారి ఆర్​ఎన్​ చిబ్బర్​ కన్నుమూశారు. సైనిక విధుల్లో చేరి, దేశానికి ఆయన చేసిన సేవ, యుద్ధంలో చూపిన తెగువకు గానూ 'విశిష్ట్​ సేవా మెడల్' అందుకున్నారు.​

పొరుగుదేశాలతో జరిగిన యుద్ధాల్లో కల్నల్​​గా ప్రముఖ పాత్ర పోషించిన మాజీ సైన్యాధికారి ఆర్​ఎన్​ చిబ్బర్​ కన్నుమూశారు. 1962లో భారత్​-చైనాతో యుద్ధంలో ఎంతో వ్యూహాత్మకంగా వ్యవహరించిన ఆయన... 1965, 1971లలో భారత్​-పాకిస్థాన్​ యుద్ధాల్లో ధైర్యసాహాలతో పోరాడారు.

1934లో జన్మించిన ఆయన... సైన్యంలో చేరాలనే మక్కువతో 1955లో విధుల్లోకి వచ్చారు. అప్పటి నుంచి శ్రద్ధ, భక్తితో దేశానికి సేవలందించారు చిబ్బర్​. ఆయన వీరత్వానికి గాను 'విశిష్ట సేవా మెడల్​' కూడా అందుకున్నారు. చిబ్బర్​... సమర్థుడైన అధికారి మాత్రమే కాదు... గొప్ప మానవతావాదిగా, మంచి మనసున్న వ్యక్తిగా తనకంటూ ఓ పేరు సంపాదించుకున్నారు​.

ఇదీ చూడండి:ఉగ్రవాద నిర్మూలనకు కలిసిరావాలి: ఉపరాష్ట్రపతి