అత్యాచారం చేసినోడితోనే బాలిక వివాహం.. చివరికి!

యూపీలో అమానవీయ ఘటన ఆలస్యంగా బయటపడింది. పదేళ్ల బాలికపై అత్యాచారం జరగ్గా.. బాధితురాలి సోదరి ప్రోత్బలంతో అతడికే ఇచ్చి వివాహం చేశారా కుటుంబసభ్యులు. కొద్ది నెలల తర్వాత అతడు.. ఆ చిన్నారికి ముమ్మారు తలాక్​ ఇచ్చి తన ఇంట్లో వదిలేసి వెళ్లిపోయాడు.

10ఏళ్ల బాలికను ఓ వ్యక్తి అత్యాచారం చేశాడు. చివరికి అతడికి ఇచ్చే.. ఆ చిన్నారి వివాహం జరిపించారు కుటుంబసభ్యులు. కొన్ని నెలల అనంతరం.. ఆ మైనర్​కు ముమ్మారు తలాక్​ చెప్పి, తన ఇంట్లో వదిలేసి వెళ్లిపోయాడు ఆ వ్యక్తి. ఈ అమానవీయ ఘటన ఉత్తర్​ప్రదేశ్​లోని బుధానా పోలీస్​ స్టేషన్​ పరిధిలోని ఓ గ్రామంలో జరిగింది.

ఇలా బయటపడింది...

కొన్ని నెలల క్రితం.. 10ఏళ్ల బాలికపై ఆమె సోదరి బావ అత్యాచారం చేశాడు. ఈ ఘటన జరిగిన అనంతరం.. ఈ ఏడాది ఫ్రిబవరి 16న అతడికిచ్చే ఆ బాలిక వివాహం జరిపించారు కుటుంబసభ్యులు.

తాజాగా.. ఈ నెల 4వ తేదీన ఆ మైనర్​ను తన ఇంట్లో వదిలి వెళ్లిపోయాడు ఆ వ్యక్తి. దీంతో చైల్డ్​ కేర్​ హెల్ప్​లైన్​ను ఆశ్రయించారు ఆ చిన్నారి కుటుంబసభ్యులు. ఈ నెల 6వ తేదీన బుధాన్​ వెళ్లిన హెల్ప్​లైన్​ బృందం.. ఈ పూర్తి వ్యవహారం తెలుసుకుని షాక్​కు గురైంది. అతడు ఆ మైనర్​కు ముమ్మారు తలాక్​ చెప్పినట్టు అప్పుడే తెలుసుకున్నారు.

ఈ ఘటనపై దర్యాప్తు చేపట్టినట్టు బుధాన పోలీస్​స్టేషన్​ అధికారి కేపీ సింగ్​ వెల్లడించారు.

అయితే సోదరి ప్రోద్బలంతోనే తండ్రి ఆ చిన్నారిని ఆ వ్యక్తికిచ్చి పెళ్లి జరిపించినట్టు తెలుస్తోంది.

ఇదీ చదవండి:విషం తాగినా పట్టించుకోని ఆసుపత్రులు