భార్యను ఇంట్లో బంధించి నరకం చూపిన భర్త

కాస్తైనా కనికరం లేని ఓ భర్త కట్టుకున్న భార్యపై రాక్షసత్వం ప్రదర్శించాడు. చిన్నపాటి వాగ్వాదానికే భార్యను కొట్టి, ఇంట్లో బంధించాడు. రోజు గడిచినా మంచి నీళ్లు కూడా ఇవ్వకుండా హింసించాడు. స్థానికుల ద్వారా సమాచారం అందుకున్న ఉత్తర్​ప్రదేశ్ పోలీసులు..ఆ కర్కశ భర్తపై కేసు నమోదు చేసి గాలిస్తున్నారు.

ఉత్తర్​ప్రదేశ్ బదాయూలో అమానవీయ ఘటన వెలుగు చూసింది. భార్యను కొట్టి, ఇంట్లో బంధించి, తిండి తిప్పలు లేకుండా చేసి హింసించాడో భర్త.

భార్యను ఇంట్లో బంధించి నరకం చూపించిన భర్త!

బాధితురాలు చెప్పిన వివరాల మేరకు.. దంపతుల మధ్య చిన్న గొడవ జరిగింది. ఎదురు మాట్లాడినందుకు భార్యను కొట్టి, ఇంట్లో పడేసి.. బయట నుంచి తాళం వేసుకుని వెళ్లిపోయాడు ఆ భర్త. ఓ రోజు గడిచిపోయినా తిరిగి రాలేదు. ఓ వైపు ఆకలి, దాహంతో ఇబ్బంది పడుతూ, ఇక భర్త రాడేమోననే భయంతో సాయం కోసం కేకలు పెట్టింది మహిళ.

భార్యను ఇంట్లో బంధించి నరకం చూపించిన భర్త!

తలుపు సందుల్లోంచి మహిళ ఏడుపు గమనించిన స్థానికులు, పోలీసులకు సమాచారమిచ్చారు. ఘటనా స్థలానికి చేరుకున్న పోలీసులు తాళం బద్దలగొట్టి మహిళను రక్షించారు. పరారీలో ఉన్న ఆమె భర్తపై గృహహింస చట్టం కింద కేసు నమోదు చేసి.. దర్యాప్తు చేపట్టారు.

ఇదీ చదవండి: కేరళ కి'లేడీ' స్వప్న విద్యార్హతలూ నకిలీవేనా!