భారత పర్యటనలో భాగంగా అమెరికా అధ్యక్షుడు డొనాల్డ్ ట్రంప్ సబర్మతీ ఆశ్రమాన్ని సందర్శించనున్నట్లు అహ్మదాబాద్ నగర పోలీస్ కమిషనర్ ఆశిష్ భాటియా వెల్లడించారు. ప్రధానమంత్రి నరేంద్ర మోదీతో కలిసి ఆశ్రమానికి ట్రంప్ రానున్నట్లు తెలిపారు.
"ఉదయం 11:30 గంటలకు అహ్మదాబాద్ అంతర్జాతీయ విమానాశ్రయానికి ట్రంప్ చేరుకుంటారు. ఆ తర్వాత సబర్మతీ ఆశ్రమానికి వెళ్తారు. ఆశ్రమం నుంచి రోడ్ షో కొనసాగిస్తారు. ఆ తర్వాత ఇందిరా బ్రిడ్జి మీదుగా మోటేరా స్టేడియంకు పయనమవుతారు."
-ఆశిష్ భాటియా, అహ్మదాబాద్ పోలీస్ కమిషనర్
అయితే సబర్మతీ ఆశ్రమంలో ట్రంప్ ఎక్కువ సమయం గడపరని ఆశిష్ స్పష్టం చేశారు. ఆశ్రమ సందర్శన అనంతరం మోటేరా స్టేడియంలో మోదీ, ట్రంప్ ప్రసంగిస్తారని చెప్పారు.