ఉత్తర ముంబయి నుంచి నటి ఊర్మిళ పోటీ

ఇటీవలే కాంగ్రెస్​ పార్టీలో చేరిన బాలీవుడ్​ తార ఊర్మిళ మాతోండ్కర్​ ఉత్తర ముంబయి నియోజకవర్గం నుంచి లోక్​సభ ఎన్నికల్లో పోటీచేయనున్నారు.

బాలీవుడ్​ నటి ఊర్మిళ మాతోండ్కర్​ లోక్​సభ ఎన్నికల్లో పోటీ చేయడం ఖాయమైంది. ఉత్తర ముంబయి స్థానం నుంచి కాంగ్రెస్​ అభ్యర్థిగా ఆమె పోటీ చేయనున్నారు. ఈ మేరకు ఆ పార్టీ​ ప్రకటన విడుదల చేసింది.

రంగీలా చిత్రంతో అందరికీ సుపరిచితురాలైన ఊర్మిళ... బుధవారం కాంగ్రెస్​ అధ్యక్షుడు రాహుల్​ గాంధీ సమక్షంలో పార్టీలో చేరారు.

ఎప్పటి నుంచో ముంబయిలోనే నివసిస్తున్నారు ఊర్మిళ. నగరంలోని ఏదో ఒక స్థానం నుంచి పోటీ చేస్తారా అని నిన్న ఈటీవీ భారత్​ అడిగిన ప్రశ్నకు సమాధానం దాటవేశారు. ఇప్పుడు కాంగ్రెస్ అధికారికంగా​ ప్రకటన చేసింది.