ఉత్తర్ప్రదేశ్ జహంగీరాబాద్లోని బహదూర్పూర్లో శనివారం ఓ భయానక ఘటన చోటుచేసుకుంది. ఓ వ్యక్తి తన భార్య తల నరికి పోలీస్‌స్టేషన్‌కు వెళ్లి లొంగిపోవడం స్థానికులను భయాందోళనకు గురిచేసింది.
ఎస్పీ అరవింద్‌ చతుర్వేది తెలిపిన వివరాల ప్రకారం.. అఖిలేష్‌ రావత్‌ జహంగిరాబాద్‌ పీఎస్‌ పరిధిలోని బహదుర్‌పూర్‌ గ్రామంలో భార్యతో కలిసి నివసిస్తున్నాడు. శనివారం భార్య భర్తల మధ్య వివాదం తలెత్తి ఘర్షణకు దారితీసింది. దీంతో అతను తన భార్యను చంపి దేహం నుంచి తల వేరు చేశాడు. అనంతరం తలను చేతిలో పట్టుకొని పోలీసుస్టేషన్‌కు బయలుదేరాడు.