యూపీ గవర్నర్ ఆనందిబెన్​కు మధ్యప్రదేశ్ బాధ్యతలు

యూపీ గవర్నర్ ఆనందిబెన్ పటేల్​కు... మధ్యప్రదేశ్ (అదనపు) బాధ్యతలు అప్పగిస్తూ రాష్ట్రపతి భవన్​ నుంచి ఆదేశాలు జారీ అయ్యాయి. ప్రస్తుత గవర్నర్ లాల్​జీ టాండన్ ఆనారోగ్యం నుంచి కోలుకుని వచ్చేంత వరకు ఆమె ఈ అదనపు బాధ్యతలు నిర్వహించనున్నారు.

ఉత్తర్​ప్రదేశ్ గవర్నర్ ఆనందిబెన్​ పటేల్​కు మధ్యప్రదేశ్ బాధ్యతలు అప్పగిస్తూ రాష్ట్రపతి ఉత్తర్వులు జారీ చేశారు. మధ్యప్రదేశ్ గవర్నర్ లాల్​జీ టాండన్ ఆనారోగ్య సమస్యలతో విధులు నిర్వర్తించలేని పరిస్థితుల్లో ఉన్నందువల్ల... ఆనందిబెన్​కు ​ఈ అదనపు బాధ్యతలు అప్పగించారు.

85 ఏళ్ల లాల్​జీ టాండన్ జూన్ 11 నుంచి లఖ్​నవూలోని ఓ ప్రైవేటు ఆసుపత్రిలో చికిత్స పొందుతున్నారు. ఆయన కోలుకుని వచ్చేంత వరకు మధ్యప్రదేశ్ బాధ్యతలను ఆనందిబెన్ నిర్వహిస్తారని రాష్ట్రపతి భవన్ వర్గాలు తెలిపాయి.

ఇదీ చూడండి:'చైనా విరాళాలను మోదీ ఎందుకు స్వీకరిస్తున్నారు?'