'రాహుల్ దేన్నీ నమ్మరు'

రాహుల్ గాంధీ ప్రభుత్వ సంస్థలను విశ్వసించడం లేదని ఆరోపించారు కేంద్రమంత్రి రవి శంకర్​ ప్రసాద్. రఫేల్ ఒప్పందంపై రాహుల్ చెప్పేవన్నీ అబద్ధాలేనని విమర్శించారు.

రఫేల్​ ఒప్పందంలో అవినీతి జరిగిందని రాహుల్ గాంధీ​ చేస్తున్న ఆరోపణలు పచ్చి అబద్ధాలని అన్నారు కేంద్ర న్యాయశాఖ మంత్రి రవిశంకర్ ప్రసాద్​. న్యాయ వ్యవస్థను, ప్రభుత్వ సంస్థలను నమ్మని రాహుల్​ గాంధీ... పాకిస్థాన్​ను విశ్వసించాలని అనుకుంటున్నారేమోనని ఎద్దేవా చేశారు. రఫేల్​ ఒప్పందం దేశ భద్రత కోసమేనని మరోసారి స్పష్టం చేశారు.

"అబద్ధాలు చెప్పడం రాహుల్​కు అలవాటుగా మారింది. వైమానిక దళాన్ని నమ్మరు. సుప్రీంకోర్టును నమ్మరు, కాగ్​ను నమ్మరు. మరి పాకిస్థాన్​ను విశ్వసించాలనుకుంటున్నారేమో.."
-- రవిశంకర్​ ప్రసాద్​, కేంద్ర మంత్రి