పౌరసత్వ చట్ట సవరణ బిల్లుకు కేబినెట్ ఆమోదం

13:17 December 04

ఈటీఎఫ్​ బాండ్లకు ఆమోదం...

ప్రభుత్వ రంగ సంస్ధలకు మరింత నగదు అందుబాటులో ఉంచేందుకు భారత్‌ బాండ్‌ ఈటీఎప్​ పథకాన్ని ప్రారంభించేందుకు కూడా కేంద్ర మంత్రివర్గం ఆమోదం తెలిపింది.

13:08 December 04

ముఖ్య నిర్ణయాలు...

పౌరసత్వ చట్ట సవరణ బిల్లుకు కేంద్ర కేబినెట్​ ఆమోద ముద్రవేసింది. ఎస్సీ/ఎస్టీల సంక్షేమం కోసం చట్టసభల్లో వారి రిజర్వేషన్లను మరో పదేళ్లు పొడిగించాలని నిర్ణయించింది. వీటితో పాటు వ్యక్తిగత సమాచార రక్షణ బిల్లునూ ఆమోదించింది కేంద్రం.

దిల్లీలో జరిగిన కేంద్ర కేబినెట్​ సమావేశం అనంతరం మీడియాతో మాట్లాడారు కేంద్ర మంత్రి ప్రకాశ్​ జావడేకర్​. ఈ బిల్లులన్నీ ఈ శీతకాల సమావేశంలోనే పార్లమెంట్​లో ప్రవేశపెట్టనున్నట్టు స్పష్టం చేశారు.

జమ్ముకశ్మీర్​ రిజర్వేషన్ల సవరణ బిల్లును ఉపసంహరించుకోవాలని కేంద్రం నిర్ణయించినట్టు తెలిపారు జావడేకర్​. దీనితో పాటు దిల్లీలోని ప్రగతి మైదానంలోని 3.7 ఏకరాల భూమిని లీజుకిస్తున్నట్టు తెలిపారు. ఆ స్థలంలో 5 నక్షత్రాల హొటల్​ నిర్మాణం జరుగుతుందని పేర్కొన్నారు. 

12:43 December 04

ఈ సమావేశాల్లోనే బిల్లులు...

పౌరసత్వ చట్ట సవరణ బిల్లుకు కేంద్ర కేబినెట్​ ఆమోద ముద్ర వేసిందని ప్రకాశ్​ జావడేకర్​ ప్రకటించారు. కేంద్ర సంస్కృత విశ్వవిద్యాలయాల బిల్లు, వ్యక్తిగత సమాచార భద్రత బిల్లునూ ఆమోదించినట్టు వెల్లడించారు. జమ్ముకశ్మీర్​ రిజర్వేషన్​ ఉపసంహరణ సవరణ బిల్లు ఆమోదించాలని కేబినెట్​ నిర్ణయించినట్టు స్పష్టం చేశారు.

ఈ బిల్లులన్నీ ప్రస్తుత శీతకాల సమావేశాల్లోనే పార్లమెంటు ముందుకు రానున్నట్టు స్పష్టం చేశారు కేంద్రమంత్రి.

11:41 December 04

చట్టసభల్లో ఎస్సీ, ఎస్టీలకు రిజర్వేషన్లు పొడిగింపు

సోమవారం జరిగిన కేంద్రమంత్రివర్గం సమావేశంలో జాతీయ పౌరసత్వ చట్ట సవరణ బిల్లుకు ఆమోదం లభించింది. ఈ శీతాకాల సమావేశాల్లోనే పార్లమెంటులో బిల్లును ప్రవేశపెట్టనుంది కేంద్రం.

పౌరసత్వ సవరణ బిల్లుతో పాటు చట్టసభల్లో ఎస్సీ, ఎస్టీలకు రిజర్వేషన్లు పొడిగింపుపై కీలక నిర్ణయం తీసుకుంది కేంద్ర మంత్రివర్గం. రిజర్వేషన్లను మరో పదేళ్లు పొడిగించింది. లోక్‌సభతో పాటు, శాసనసభల్లో ఈ రిజర్వేషన్ల వర్తించనున్నాయి. 2020 జనవరి 25తో ప్రస్తుత రిజర్వేషన్ల గడువు  ముగియనుంది.
 

11:25 December 04

జాతీయ పౌరసత్వ చట్ట సవరణ బిల్లుకు కేంద్రమంత్రివర్గం ఆమోదం

• జాతీయ పౌరసత్వ చట్ట సవరణ బిల్లుకు కేంద్రమంత్రివర్గం ఆమోదం
• శీతాకాల సమావేశాల్లోనే పార్లమెంటులో బిల్లు పెట్టనున్న కేంద్రం