సీడీఎస్​, ఎన్​పీఆర్​కు కేంద్ర కేబినెట్​ పచ్చజెండా

15:29 December 24

రైల్వే బోర్డు పునర్నిర్మాణంపై కేంద్రం కీలక నిర్ణయం

రైల్వే బోర్డు పునర్నిర్మాణంపై కేంద్రం కీలక నిర్ణయం తీసుకుంది. ఎనిమిది మంది సభ్యులతో కూడిన బోర్డును ఛైర్ పర్సన్​తో కలిపి ఐదుగురికి కుదించేందుకు కేంద్ర మంత్రివర్గం ఆమోదం తెలిపింది.

15:16 December 24

'సీడీఎస్'​ ఏర్పాటుకు కేంద్రం ఆమోదం

చీఫ్‌ ఆఫ్‌ డిఫెన్స్‌ స్టాఫ్‌ (సీడీఎస్​) పదవి ఏర్పాటుకు కేంద్ర మంత్రివర్గం ఆమోదం తెలిపింది. (సీడీఎస్​) విధివిధానాలకు సంబంధించి జాతీయ భద్రతా సలహాదారు అజిత్ ఢోబాల్‌ నేతృత్వంలోని బృందం సమర్పించిన నివేదికను కేబినెట్ ఆమోదించింది. ప్రస్తుతమున్న త్రివిధ‌ ద‌ళాల అధిప‌తుల పేర్లను.. సీడీఎస్​ కోసం ప‌రిశీలిస్తున్నారు. ప్రభుత్వ వ‌ర్గాల సమాచారం ప్రకారం త్వరలో పదవీ విరమణ చేయనున్న ఆర్మీ చీఫ్ బిపిన్‌ రావ‌త్.. ఈ రేసులో ముందున్నట్టు తెలుస్తోంది. ఈనెల 31న సైన్యాధ్యక్షుడిగా రావ‌త్ పదవీ విరమణ చేయనున్నారు.
 

14:53 December 24

సీడీఎస్​, ఎన్​పీఆర్​కు కేంద్ర కేబినెట్​ పచ్చజెండా

'జాతీయ జనాభా పట్టిక (నేషనల్‌ పాపులేషన్‌ రిజిస్టర్‌- ఎన్‌పీఆర్)'కు కేంద్ర మంత్రి వర్గం ఆమోదం తెలిపినట్లు సమాచారం. ఇందుకోసం ప్రధాని మోదీ నేతృత్వంలోని కేంద్ర కేబినెట్​ రూ.8500 కోట్లను కేటాయించినట్లు తెలుస్తోంది.