ఇప్పటికే భారత మూలాలున్న కమలా హారిస్ అమెరికా ఉపాధ్యక్ష అభ్యర్థిగా గెలిచి చరిత్ర సృష్టించారు. తాజాగా భారత సంతతికి చెందిన మాలా అడిగా అరుదైన ఘనత సాధించారు. ఏకంగా అగ్రరాజ్యానికి కాబోయే ప్రథమ మహిళ జిల్ బైడెన్కు పాలసీ డైరెక్టర్గా నియమితులయ్యారు. ఈ విజయంపై ఆమె సొంతూరైన కర్ణాటక ఉడుపి జిల్లాలోని కక్కుంజే గ్రామ ప్రజలు హర్షం వ్యక్తం చేశారు. ఆమె గురించి మరిన్న విశేషాలు తెలుసుకుందాం.
- మాల.. అమెరికాలోని ఇల్లినాయిస్‌లో పుట్టిపెరిగారు.
- ఆమె తల్లిదండ్రులు కర్ణాటక ఉడుపి నుంచి వలస వెళ్లారు.
- 'యూనివర్సిటీ ఆఫ్‌ షికాగో' లా స్కూల్‌లో డిగ్రీ పూర్తి చేశారామె.
- లోవాలోని గ్రిన్నెల్‌ కాలేజీ నుంచి స్పానిష్‌లో బీఏ పట్టా పొందారు.
- కెరీర్‌ ప్రారంభంలో అమెరికా జిల్లా కోర్టు న్యాయమూర్తి దగ్గర సహాయకురాలిగా పనిచేశారు.
- తరువాత షికాగోలోని కిర్క్‌లాండ్‌ అండ్‌ ఇల్లీస్‌ ఎల్‌.ఎల్‌.పి.లో లిటిగేషన్‌ అసోసియేట్‌గానూ విధులు నిర్వహించారు.
- కొన్నాళ్లకు న్యాయవాదిగా ప్రాక్టీస్‌ మొదలుపెట్టిన ఆమె 2008లో బరాక్‌ ఒబామా ప్రచార బృందంలో చేరారు.
- ఒబామా అధికారంలోకి వచ్చిన తరువాత ఆయన పాలనలో అసోసియేట్‌ అటార్నీ జనరల్‌ కౌన్సిల్‌ సభ్యురాలిగా నియమితులయ్యారు.
- బ్యూరో ఆఫ్‌ ఎడ్యుకేషన్‌ అండ్‌ కల్చరల్‌ అఫైర్స్‌ డిప్యూటీ అసిస్టెంట్‌ సెక్రటరీగానూ బాధ్యతలు చేపట్టారు.
- స్టేట్‌ సెక్రటరీలో గ్లోబల్‌ ఉమెన్స్‌ సమస్యలను పరిష్కరించే విభాగంలో చీఫ్‌ ఆఫ్‌ స్టాఫ్‌గా పనిచేశారు.
- అనంతరం బైడెన్ ఫౌండేషన్‌లో ఉన్నత విద్య, సైనిక కుటుంబాల విభాగం డైరెక్టర్‌గానూ ఉన్నారు.
- తాజా ఎన్నికల్లో 'బైడెన్-హారిస్' ప్రచార బృందంలో కీలక పాత్ర పోషించారు.
- ఆమె శ్రమకు గుర్తింపుగా శ్వేతసౌధం నూతన పాలకవర్గంలో కాబోయే ప్రథమ మహిళ జిల్ బైడెన్కు పాలసీ డైరెక్టర్గా నియమితులయ్యారు.
- అమెరికాను మెరుగైన దిశగా నడిపేందుకు మాలా అనుభవం ఉపయోగపడుతుందని కొనియాడారు బైడెన్.