భారత ఆహార రంగంలో 7 బిలియన్ డాలర్ల మేర యూఏఈకి చెందిన సంస్థలు పెట్టుబడులు పెట్టనున్నట్లు కేంద్ర వాణిజ్య శాఖ మంత్రి పీయూష్ గోయల్ వెల్లడించారు. యూఏఈ-భారత్ ఫుడ్ కారిడార్ ప్రాజెక్టులో భాగంగా వచ్చే మూడేళ్లలో ఈ పెట్టుబడులు ఉంటాయని ఆయన ఓ న్యూస్ ఛానల్కు తెలిపారు.
'భారత ఆహార రంగంలో యూఏఈ పెట్టుబడులు' - మెగా ఫుడ్ పార్కుల్లో 5 బిలియన్ డాలర్ల పెట్టుబడులు
యూఏఈకి చెందిన సంస్థలు భారత ఆహార రంగంలో 7 బిలియన్ డాలర్ల మేర పెట్టుబడులు పెడతాయని కేంద్ర వాణిజ్య శాఖ మంత్రి పీయూష్ గోయల్ వెల్లడించారు. ఎమ్మార్ గ్రూప్ నేతృత్వంలోని అక్కడి సంస్థలు వివిధ ప్రాజెక్టుల కింద ఈ మొత్తం వెచ్చించనున్నట్లు తెలిపారు.
'భారత ఆహార రంగంలో యూఏఈ పెట్టుబడులు'
దుబాయ్కి చెందిన ఎమ్మార్ గ్రూప్ నేతృత్వంలోని యూఏఈ సంస్థలు భారత్లోని వేర్వేరు నగరాల్లో ఉన్న మెగా ఫుడ్ పార్కుల్లో 5 బిలియన్ డాలర్ల పెట్టుబడులు పెట్టనున్నాయని పేర్కొన్నారు. కాంట్రాక్ట్ ఫార్మింగ్ కింద మరో 2 బిలియన్ డాలర్ల పెట్టుబడులను అగ్రో కమోడిటీస్, సంబంధిత మౌలిక వసతుల కల్పనకు వెచ్చిస్తాయని వివరించారు.
భారత్లో పెట్టుబడులు పెట్టే సంస్థల వివరాలను తర్వాత వెల్లడిస్తామన్న ఎమ్మార్ గ్రూపు తాము అన్ని సంస్థల పెట్టుబడులను సమన్వయం చేస్తామని పేర్కొంది. భారత ప్రభుత్వం పాదుర్లో ఏర్పాటు చేసిన సమగ్ర పెట్రోలియం నిల్వల కేంద్రం స్ఫూర్తిగా.. యూఏఈ ఆహార భద్రత కోసం ఈ పెట్టుబడులు పెట్టాలని నిర్ణయం తీసుకున్నట్లు ఎమ్మార్ సంస్థ వెల్లడించింది. ఆహార రంగంలో యూఏఈ పెట్టే పెట్టుబడులతో భారత రైతుల పంటలకు మెరుగైన ధరలు లభిస్తాయని అంచనా వేస్తున్నారు.