11:52 June 19
పాక్ కాల్పుల విరమణ...
కశ్మీర్లో వరుస ఎన్కౌంటర్లు జరుగుతున్న వేళ.. మరోవైపు పాకిస్థాన్ కవ్వింపు చర్యలకు పాల్పడుతూనే ఉంది. జమ్ముకశ్మీర్ రాజౌరీ జిల్లా నియంత్రణ రేఖ వద్ద నౌశెరా సెక్టార్లో కాల్పుల విరమణ ఉల్లంఘించింది. మోర్టార్ షెల్లింగ్లు ప్రయోగించారు పాక్ భద్రతా సిబ్బంది. భారత సైన్యం ఈ దాడిని దీటుగా తిప్పికొడుతోంది.
10:42 June 19
మరో ఉగ్రవాది హతం...
కశ్మీర్ షోపియాన్ జిల్లాలో మరో ఉగ్రవాది హతమయ్యాడు. మునాంద్ ప్రాంతంలో గురువారం నుంచి చేపట్టిన ఆపరేషన్లో మొత్తం ఐదుగురిని మట్టుబెట్టాయి భద్రతా దళాలు. పుల్వామాలో మరో ముగ్గురిని హతమార్చాయి.
గడచిన 30 గంటల్లో ఈ రెండు వేర్వేరు ఎన్కౌంటర్లలో మొత్తం 8 మంది ముష్కరులు హతమయ్యారు. గాలింపు చర్యలు ఇంకా కొనసాగుతున్నాయి.
10:06 June 19
జమ్ముకశ్మీర్లో ఉగ్రవాదుల కోసం భారీ ఆపరేషన్ను చేపట్టాయి భద్రతా దళాలు. పుల్వామా, షోపియాన్లలో వేర్వేరు చోట్ల ఎన్కౌంటర్లు జరిపాయి. గురు, శుక్రవారాల్లో కలిపి మొత్తం ఏడుగురిని మట్టుబెట్టాయి.
పుల్వామా జిల్లా పొంపోర్ మీజ్ ప్రాంతంలో గురువారం ఒక ముష్కరుడిని హతమార్చిన భద్రతా సిబ్బంది.. ఇవాళ మరో ఇద్దరిని అంతమొందించారు. మసీదుల్లో నక్కిన ఉగ్రవాదులను వేటాడి మరీ చంపారు. గాలింపు చర్యలు ఇంకా కొనసాగుతున్నాయి.
మరోవైపు షోపియాన్ జిల్లా మునాంద్ ప్రాంతంలోనూ ఆర్మీ ఆపరేషన్ గురువారం నుంచీ కొనసాగుతోంది. ఇక్కడ గురువారం ఓ ఉగ్రవాదిని మట్టుబెట్టాయి. ఇవాళ మరో ముగ్గురిని హతమార్చగా.. ఈ ఆపరేషన్లో మొత్తం నలుగురు ముష్కరులు చనిపోయారు. ఉగ్రవాదుల కోసం ముమ్మర వేట కొనసాగుతోంది.
09:35 June 19
కశ్మీర్ ఎన్కౌంటర్లో ముగ్గురు ఉగ్రవాదులు హతం
జమ్ముకశ్మీర్లో ఉగ్ర ఏరివేత కొనసాగుతోంది. పుల్వామా జిల్లా పాంపోర్లో... గురువారం మసీదులో నక్కిన ఇద్దరు ముష్కరులను ఇవాళ మట్టుబెట్టాయి భద్రతా బలగాలు. మొత్తం ఈ ఆపరేషన్లో ముగ్గురు ఉగ్రవాదులు హతమయ్యారు.
మరోవైపు షోపియాన్ జిల్లా మునాంద్ ప్రాంతంలో జరిగిన ఎన్కౌంటర్లో ఇవాళ మరో ఉగ్రవాదిని మట్టుబెట్టారు భద్రతా సిబ్బంది. ఈ ఆపరేషన్లో ఇప్పటివరకు ఇద్దరు ముష్కరుల్ని అంతమొందించారు.